274
sein vnnd habenn Jne vnnser Cantorey vnndergebenn, Die berichtenn, das es ein gutter gesanng sey. Das jr nun hinwider vnnsern gnedigstenn willenn dargegen zuspuren, Schickenn wir euch zehenn Engellottenn, Die wollett zugefallenn habenn. Das wir euch hinwider nichtt wollenn gnedigst vnangezeigt lassenn. Datum. Under 3 Marts s. A. skriver Kongen fra Kbhvn. til Melanchton: Han takker for dennes Brev af Wittemberg 10 Febr. samt de deri indeholdte Tidender og glæder sig „das der gefarlich Irthumb Osiandrj gedempft vnnd hingelegt wirdt," "das der lesterer Seruetus aus dem mittel gethan" og „das der Polnisch superintendens dem gifft widersteht." Vnnd wer wol nicht vngutt das ein particular Synodus von den Furstenn, so reine lehr predigenn lassenn, gehaltenn wurde, so darzu nicht zenckische, sonder gottsfurchtige, gelertt, sittig menner gezogen mochten werdenn, wie Jr meldet, Domit vf die hieuorig Augspurgisch bekandtnus Jnn lehr vnnd Ceremonie ein einhelliger christlicher beschlus verfasset, das nicht eins Jedern opinion vnnd eigen hoffart also ausgegossenn werdenn möcht. Wir haben aber dessenn mit euch auch gros bedenckenn, vnnd hatt vnns eur Rathschlag, souil wir denn Jnn eyl verleszenn hörenn, darjnn nicht vbell gefallenn. Wir wollen aber vnnsers theils denn hanndel bey vnns verner erwegenn vand, so wir darumb ersucht, vnns mit christlichem bescheide darjnn zuuerhaltenn wissenn. Dann an vnns mit gots hilff nicht soll erwinden gottes ehr vnnd sein heiligs selig machend wortt Jnn Rechten verstande verner auszubreyttenn vnnd zubefurdernn." 59. An Doctor Pomern seinen zustandt vnnd Religion sachen belangen. Actum Coppenhagen den 4 Marcij Anno etc. 56. Christian etc. Vnnsern gnedigstenn grus vnnd geneigten willen zuuorn. Wirdiger vnnd hochgelerter besonnder lieber. Wir haben eur schreybenn datirt Wittenberg den ix Februarij sampt der abschrifft der handlung, als euch von dem Reichstag vberbracht, den xxviij desselbenn alhyr von scherffenn empfangenn vnd denn bericht, wie es mit eur Kranckheitt ein gestalt gehaptt, Auch was jr eur Sohns halbenn meldet, allenthalben gnedigst verstanden. Was nun eur schwacheit belangenn, die habenn wir der zeitt, als vnns Doctor Jorg Maior dauon anzeige gethan, mitleidig gehörtt vnnd sinndt derwegenn vast bekumert gewesenn. Das es aber nun widder mit euch zu besserunge gereicht, solchs hatt vnns ganntz wol erfrewet, Vnnd ist dis des herrn werck, das er euch also gnediglich gefristet hatt, Weil Jr so gefahrlich schwach gewesenn, wie wir aus eurem schreiben verstehn, Welchs schreibenn vnnd anzeige wir gern gehörtt vnnd vnns von euch zu gnedigstem gutten gefallen. Der herr woll euch verner gnediglich erhaltenn, Das Jr der Kirchenn vnnd schulen wie anhero dienen vnnd nutz sein muget. Wir habenn auch gern gehört, das Jr eur Kinder bey eurem lebenn berattett, vnnd das die sich euch zu freudenn wol schickenn, Vnnd wirdt der Almechtig, wie Jr. auch meldet, dieselbenn verner mit gnaden segnen vnnd versorgenn, Wir wollen auch eur vnnd Jr gnedigster herr sein. Die vbersanndt schrifft, als eure Doctores vom Reichstage mitbracht, habenn wir verlesenn, Vnnd ob wol dises theils die sachenn getreulich gutt gemeint, befinden wir doch, das weitters bey dem gegentheil der Relligion vnd desselbenn anhangenden stuck halbenn nicht erhalten werden mugenn. Est ist aber
