293
die mit hochstem Vleis einigkheit jn der Doctrin vnnser christlichen Relligion jren gaben nach befurdern helffen, Wie dann gott lob vnnd danck aus sondern gnaden von anfang her vnnd noch jn vnnsern Kirchen vnnd schulen vnnser Reich vnnd lande bey der Augspurgischen Confession vnd der angenohmenen vnnd bekandten reinen wahren Euangelischen Lehr einhelliglich bestanden vnnd geblieben, Dann wir vber die erkandte warheit kein gefehrliche gezenck oder Disputationes zugelassen oder noch zuzulasszen gedenckenn, so lang vnns der almechtig fristen wirdt: Als wollen wir auch zu gott hoffen vnnd darumb bitten vnd bitten lassenn, das er hinfurtter jn vnnsern Kirchen vnnd schulenn solche christliche einigkheit vnnd bestendigkheit jn der Lehr gnediglich wolle erhaltten vnnd vnns getrewe gotsfurchtige gelertte Menner vnd Doctores geben, die den beiden Doctoren P. Palladio vnnd Machabeo seligen christlich nachfolgenn mugen. Nuhn jst einer an vnns gelangt, Doctor Tylmanus heshusius, zeiger dits, welcher von Rostock vertriben, der vnns dan, souil wir jne gehört, nicht vbel gefeltt vnnd sonnst gerumbt wurdt, mit dem habenn wir reden lassen, das er sich widerumb jn locu Doctoris Machabej seligen wolt gebrauchen lassenn. Er hatt aber angezeigt, das jr jne gefurdert dem Pfaltzgrauen Churfursten zum besten, Derwegen konndte er sich gegenn vnns endtlich nicht versagenn, ehe er bey euch losz were. Wyewol er nuhn der ohrtt mit lehrenn vnnd predigenn grossen nutz schaffen kont, zweiffeln wir doch nicht, das hochgedachter Churfurst sonnst mit furtrefflichenn feinen gelertten leutten gnug versehenn sey, habe auch dartzu wol zurathen. Vnd als dann der Doctor bericht, das er sich an euch begeben wolt diser sachen halben mit euch zureden, haben wir dis vnnser schreiben an euch g. wollen gelangen lassen, vnnd so es von gott versehenn vnnd jr erachtet, das er vnnser schul nutzlich vnnd dienlich sein kan, Als gesinnen vnd begeren wir g. jr wollet furdern helffenn, das er sich jn vnnser schulen vnnd vniuersitet alhir zudienen anher begeben möcht. Es soll dagegen an ehrlichem vnnd geburlichem vnderhaltte wie andern Professorn Theologiæ nicht erwinden, Wir wollen jme auch sonnst mit gnaden begegnen. Jhr wollet euch souil muglich vnnd thuelich hierjnn vnbeschwerdt erzeigen. Das wollen wir hinnwider vmb euch mit gnaden vnnd guttem beschuldenn vnnd erkhennen. Vnnd begeren desszen eur schrifftlich wideranthwortt. Datum. Collationirt. Angaaende Dr. Tileman Heshusius tilskrev Kongen yderligere Hertug Ulrik af Meklenborg og Hertuginde Elisabeth 28 Februar og 1 April 1558. 6 Maj s. A. skrev Kongen fra Khvn. atter et Brev til Melanchton om Poeten Laurentzius Ozius: „Eur schreibenn vnnd furderung den Poeten Ozium belangen jst vnns behandigt wordenn. Weil wir dann desselben geschicklicheit vnnd angewendten vleis durch euren bericht vnnd auch dessen vberschickten vnns zugeschribenen Buchlein vermerckt vnnd befunden, Erachtenn auch, das solcher Leuth arbeitt den Kirchen vnnd schulen zu sonderlichem nutz erschiessen vnnd gereichen mag, Habenn wir jme vf sein ansuchen die Lauream gnedigst mitgetheilt hierneben zugeschickt, vnnd jme auch vber das eur furderung geniessen lasszen." 37*
