I. KONG HANS'S BREVBOG. Efter en Copiebog, skreven rimeligviis for Störstedelen med hans Kantsler Ove Bildes Haand. (I det Kongelige Geheime-Archiv.) 1. Ad cetum cardinalium. Johannes dei gracia etc. Sacro cetui reuerendissimorum cardinalium sacrosancte Romane ecclesie Reuerenciam et sinceram dilectionem. Reuerendissimi patres non vnquam per nos stetit, quod Reuerendissimus cardinalis arborensis possessionem sue ecclesie lincopensis non assecutus fuerit, Quia hemmyngus gadh intrusus suecorum ope nostrorum subditorum rebellium in occupacionem dicte ecclesie hactenus manutentus sit, contra quos rebelles Suecos continuis armis insudare non cessauimus, prout nec cessare intendimus, donec ipsi rebelles in regni nostri occupacionem perdurauerint. Et ne idem hemmingus intrusus de malicia et fraude commodum reportabit, direximus scripta nostra ad Sanctissimum dominum nostrum papam in fauorem nobis dilecti domini leandri de perusio nostri fautoris, vt sibi in casu mortis reuerendissimi domini Cardinalis arborensis de ecclesia lincopensi prouideatur. Quamobrem paternitates vestras obnixius deprecamur, vt casu tali emergenti velitis promocioni dicti domini leandri solitos prestare fauores, quod apud dictum cetum vestrum vicissim prome(re)ri curabimus. Que paternitates vestre valeant felicissime. Ex arce nostra flensborgh x die mensis octobris Anno mdsexto. 2. Ad Sanctissimum dominum papam Julium secundum. Beatissime pater et clementissime domine. Cum quidam hemmingus gaad se pro electo ad occupandam ecclesiam lincopensem intruserit atque suam intrusionem occupacionem que ope Suecorum nostrorum subditorum rebellium per quinque annos continuauerit, illius ecclesie fructus et redditus in suos damnabiles usus conuertendo 1. B. 1. H. (1852). 1*
