6
Item Johannes rex auunculus nullam experienciam seu noticiam principum incolarum regni francie habet, que noticia satis operari poterit ad tractandum pro suo filio matrimonium, propterea hoc negocium videlicet matrimonii auunculus committit arbitrio et ingenio sui nepotis, qui discutiat, intelliget et faciet hanc circa rem, quemadmodum id personam nepotis concerneret, quoniam auunculus non minus de nepote quam de persona proprii filii confidit. Et quidquid nepos hanc circa rem egerit, auunculus gratissimum acceptabit. aoning 39 Item intelligat et sciat nepos, qualiter ciuitas lubicensis cum aliis ciuitatibus de ansa nuncupatis scilicet sibi adherentibus cominantur mare orientale videlicet balticum occupare rebellibus suecis in fauorem, ipsi auunculo in non mediocrem iacturam et regii nominis in contemtum, vnde auunculus compellitur requirere et sollicitare suos amicos et presertim sibi sanguine coniunctos pro assistencia et precidio in effectum prohibendi ipsis ciuitatibus et dictis rebellibus mare balticum. Et casu quo auunculus poterit preualere in eodem mari baltico, humiliabuntur tam rebelles sueci quam pretense ciuitates. Et ob id auunculus non solum intendit requirere amicos et sanguine sibi iunctos, ymmouerius humiliare se coram aliis hostibus et inimicis, si qui essent. Item nepos prouideat auunculo suo de tanta assistencia et precidio pro principio estatis proxime future, quantam nepos optaret a suo auunculo in casu simili, Quia auunculus omnino intendit et proponit precidio amicorum occupare mare orientale prohibendo illud tam rebellibus suecis quam pretensis ciuitatibus ac bona et merces eorum occupantibus dare in predam. 7. Ad Regem scotorum. Serenissime princeps nepos precarissime. litteras credenciales vestras successiue tum per manus regis armorum cristianissimi regis francorum tum eciam per thomam Seland nostrum partisandum hiis diebus nobis presentatas accepimus, quarum vigore ipsos tam coniunctim quam diuisim audiuimus, eorum que relata corde reseruauimus omnino nos obtemporantes, prout huiusmodi eorum relata optabant, Ipsis que tam coniunctim quam diuisim responsa dedimus. Que quidem responsa idem thomas Seland penes se articulatim in scriptis gestat M. V. referenda. Velit et dignetur eadem M. V. huius responsa audire atque cordi imprimere concedentes nichilominus predicto thome referenti omnimodam fidem, quam nobis dare velitis casu, quo nos personaliter eadem referre contingeret. Nec dubitet nepos carissimus, quin nos intendimus omnes beniuolencias ac humanitates suas debite recognoscere et cum equali cura et vigili recompensare. Et cum hoc viuat et valeat nepos carissimus semper incolumis et longeuus.
