8
concedimus latori presentium nobis dilecto thome Seeland partesando nostro plenam atque o(m)nimodam facultatem atque commissionem, ut ipse pro nobis et nostro nomine conducat, vocet atque ducat quoscunque capitaneos atque stipendiarios naualia bella exercere solitos ad mare balticum siue orientale, ut ipsi capitanei et stipendiarii ibidem possint et valeant nostro nomine depredari, spoliare nostros subditos suecos rebelles atque omnes et singulos mercatores ciuitatis lubicensis et aliarum singularum ciuitatum ipsi ciuitati Lubicensi adherentium volentium dictum mare balticum siue orientale nauigando occupare, nostri Regii nominis in contemptum et non modicam iacturam ipsis rebellibus suecis in asistenciam et fauorem, ac omnia et singula eorum bona et merces tam suecorum quam aliorum spoliatorum in suos vsus libere conuertere et commutare. In cuius Rei maiorem fidem etc. 11. Breuis Informacio ad summa Impe totum effectum et tenorem litterarum suecos in fauorem domini Johannis Regis. Consiliarii Regnorum Dacie et Noruegie calmarnie congregati Anno domini Mdquinto decreuerunt sentencialiter diffiniendo contra stenonem stwre militem et alios sibi adherentes Regni Suecie occupatores et detentores, et ipsos et eorum quemlibet incidisse et incurrisse crimen lese maiestatis opponendo se illustrissimo principi Domino Johanni etc. eorum regi ipsius que Regnum Suecie rebelliter detinendo ac occupando, Et preterea ipsos et eorum quemlibet debere pati et subire omnes penas a iure contra committentes crimen lese maiestatis statutas atque decretas. Hanc autem sentenciam siue ordinacionem Inuictissimus princeps dominus maximilianus Romanorum rex processu seruato, qui in suo consistorio in similibus conseruari solet, aprobauit, confirmauit atque Ratificauit, prout in suis veris litteris sigillatis dictorum consiliariorum reperitur confecta atque descripta, Volens nichilominus atque mandans huiusmodi sentenciam siue ordinacionem viribus subsistere ac perinde valere per totum Romanum Imperium, ac si sua sacra maiestas sua imperiali auctoritate eandem sentenciam siue ordinacionem decreuisset siue pronunciasset etc. 12. Ad Leandrum. ided Premisso nostro sincero fauore. Cum superioribus diebus ad nostram peruenisset, vir optime, audienciam, post obitum pie memorie detleui episcopi slesuicensis electionem cuiusdam doctoris gotschalsci de aleuelde pro suo affuturo episcopo et pastore eiusdem ecclesie decreuisse capitulares, Nos, cum idem gotschalcus electus nonnulla habeat beneficia
