44
43. Hertug Frederiks Stadfæstelse af Capitlets Friheder. (1509?) Frederick van gots gnaden etc. don witlick vnde apenbare allenn vnde eynem yderen, Dat de werdigen heren Cantor vnde Capittel vnser leuen frouwen kerken tho Hadersleue vnns ytlyke priuilegie vrygheyde ofte rechticheyden, deme gemelten Capittel vnde kerken vnser leuen frouwen van vnszeme zeligen older vader hertogen gert gnedlich vorghunnet vnde ghegheuen, Ock de suluesten durch vnsen zeligen hern vader Cristiern konnynck tho dennemarken hertogen tho sleszwyck vnde mere ander hern vnde fursten tho sleszwyck hertogen bowillet bouestiget vnde bostedighet, irschynnen vnde enthoghen hebbenn, vnns demodighenn anvallende, wij de ghesuluesten Jn aller mathe mochten bowillen tholaten vnde bouesten, marien der moder Christi vnde erer kerken vnde Capittele tho baten vordel vnde profijt, gantzes vlytes biddende, Wij de gedachten priuilegie herlycheyden vrygheyden vnde rechticheyden, wo vore irtoghet, hebben angeszeen, vnde gode vnde syner werden moder marien thon eeren vnde werdicheyt, Ock vmme vnsere voreoldern vnde vnser ock vnser gheslechte zelen zelicheyt De upgenanten priuilegie herlicheyde vrygheyde vnde alle rechticheyde, deme ergemelten Capittel vnde vnser leuen vrouwen kerken tho hadersleue van vnsen zeligen voreoldern vnde allen andern fursten vnde heren hertogen tho sleszwyck In allen eren lansten deneren vndersaten houeren katheneren vnde luden gheghunnet vnde ghegheuen, wij de szo ock vnde nicht myn, ghelyck der domkerken tho Sleszwyck jn aller mathe gegeuen syn, effthe de suluen hyr Inne bestempet werenn van worden tho worden, tho ghelaten vnde vorghunnet hebbenn, Tholaten vorghunnen bouesten vnde bostedighen de vpgenanten hern Cantor vnde Capittel vnd der kerken, bomechtighen Sze van eren lansten deneren vndersaten vnde luden moghen befurderen hebben vnde heuen alle broke Jnt hogheste vnde sydeste, ock de Jn erem vnhorszame ofte vreuele nach lant rechte tho straffende tho grypende vnde Jn ere eghene were tho settende vnde tho bos(c)attende lyck van en tho hebbende vnde bomanende, Gheuen vnde ghunen en alle herlicheyt vrygheyt broke temelyke boscattinghe vnde alle ander rechticheyt, nichtes vthghenamen szunder dat blothrycht vnde swert, Dar der wilke vmme dotslach deuerye kerkenbrekent mortbrandt ketterye vorrederye vnde der ghelyck durch vnsz ofte vnszen ampluden vnses Slotes hadersleue der haluen worden entlyuet ofte vorrychtet, ofte. . dat lan(t) rumeden vnde vorlepen, Schal all ere gud vnde broke voruallen szyn an dat Capittel vnde kerken ergenomet, Szunder de frunde wolden des voreordelden doth kopen vnde redden van vnsen ampluden, wilkent wij vnns beholden, szundere den broke. Vornichten vnde vorlaten ock alle vnplicht vnde vnwan, durch vnsen amptluden der vpgenanten Capittels vnde kerken tho ha-
