62
wegknisse vnnd tho vnderholdinghe des Euangelionn vnnd dar mit de warheit, ock dat Euangelium vnnd wortt gades lutter vnnd Rein geprediget werdenn moge, Dartho vth furstlicher macht vnnd ouericheit ock durch Besunderghe gunste vnnd gnade, Jnn betrachtinge des gemenen nuttes vnnd bestes, Alle vund Itzliche liggende gudere husere Boringe Rente vpkumpste Nutticheidenn vnnd frucht bruckingen belecht vnnd vnnbelecht, So bet her tho Etlichenn Vicarienn Consolation memorien Capellenn vnd gyldenn jn dusser Domkerckenn tho hadersleue belegenn vnnd gehorig gewesenn, Alse vann Sunete Nicolaus Gylde Renthe gelt Sosz vnd tuintigeste halue marck veer schillinge Achte penningk lubs., vann Sunct Gerdruten Sosz vnnd Twintigestenn halue marck Sosz schillinge Rente, vann dem Lehene Sancti Erasmj Souende halue m vyffe schillinge vnnd veer &lubs., Vann dem Lehene Sancti Olauj veer, marck einen schillinge lubs., Des hilligen Lichames gylde Sosz schillinge lubs., vann Sanct Jpolitus gylde Rente gelt Souen marck Souen schillinge Achte penning lub., vann dem Altar Andere¹) vyff marck Sosz schillinge lub., Des hilligen Crucis Altare Souende halue marck Souen schillinge veer penninge lub., her Jacob krogers kappelle Souenn vnnd vertich marck vyff schillinge Lub., hir vann ghorenn vnns thouorrentende twe vnnd. vertich m; dar tho hebbe wy dusennt marck vth der Stackenn Cappellnn, dar vor scholle wy ock jarliches geuen Sostich marck, wenner wy edder vnnse eruenn auerst solliche dusent marck wedder vthlosenn willenn, So schollen Borgermeister vnd Radtmanne Alhir tho hadersleuenn desuluen wedder Anleggen vpp Rente vnnd dauor synn, dat sollicher houetsummen nichtes vorrucket werde; Sannet Barbern Cappellen Negentein marck negen schillinge lub., eynn ortich garstenn, Noch twolff ortich kornes vann Sanct Georgius hoff, desuluen twolff ortich kornes schollen mit Aller Rente vnnd Boringe, So itzundt by dem haue synn, Na disses itzigenn besitters ern Jacobi Hulpersszen dodtlichen affgange, Alle mit Ein ander den Armen bykamen vnd Ewig vor se bliuenn, vann Consolatien vnd memorien vyff vnnd Sosztich marck einen schilling Achte penningk lub., dar tho scholle wy ock jarlichs dree marck vorrenten kohüre vann deme karspell Altare tein schillinge lub., der Smede Rente gelt Sosz marck lub., der Schomacker Rente dree marck druddehaluen schillinge lub. vnd hushüre vann des hilligen geistes Bodenn voffteynn marck vyff schillinge veer penninge lub., Noch dartho gyfft eyn Radt Alhir tho hadersleue Negen marck lub.; mit vnnd vpp dersuluenn Ersamen vnnd vorsichtigenn vnser leuenn getruwenn Borgermeystern Radtmannen vnnd Borgere Vnnser Stadt hadersleue erfordernt weten willenn beleuinge vnnd vulborde, Tho Nuttlicher Christlickeren Werken Gades deinsten vnnd gemeinen besten gelecht bescheiden vorordent vnd vorschaffet hebbenn, Nomlich vnd Also, dat dem kerckhern, thor tydt tho hadersleue synnde vnnd Aldar dat klare wortt Gots predeckende, jarlichs vth dem 1) Andree.
