44
wir e. l. vnser muterlich hertz vnd wolmeynen etwas weitleufftiger zuerkhennen geben vnd soliche sohnliche erzeigung zu gantz muterlichenn gefallen vermercken. Befelhen damit e. 1. Gots getrewen schutz vnd vns e. l. in jr sohnlich hertz. Datum Coldingen 30 ten Octob. anno etc. 67ten. Dorothea. Dorothea von Gots gnaden zw Dennemarck, Norwegen, der Wenden vnd Gotten konigin, geborne zw Sachssenn, hertzogin zw Schleswig, Holstein etc., witwe. Paategning: Der fraw mutter schreiben die gutter auff Arre zu s. Knutt closter in Fuhne gelegen belangen. Productum Arhuszen den 3 Nouembris 67. Original paa Papir med Udskrift til Kongen og Segl i rödt Vox (det Danske og det Saxiske Vaaben). Paa en indlagt Seddel: Freundtlicher lieber sohn, weil e. 1. ya so hart begert, das wir wolten ein schein von vnsz gebenn der guter halben vff Arr, so thun wir vnsz dessen e. l. zu ehrenn nit beschweren vnd vberschicken e. 1. hiemit denselben, ob wol desselben nit notigk, dan e. l. theilbrieff, so sie jrem prudern h. Johanssen gebenn, jst desfals richtigk gnug, das es diser guter halben nach vnserm thod wol sein richtige masz haben wirt. E. l. wolle aber vns hiemit ein befelchs brief an jren ambtman Gadendorff schicken, damit die baurenn vns hinfurter gehorsam sein sollenn. Darumb wir freundtlichen wollen gepetten haben. Datum vt in literis. Dorothea. Bilag til Nr. 180. Wir Dorothea von Gots gnaden zw Dennemarcken, Norwegen, der Wenden vnd Gotten konigin, geborne zw Sachssen, hertzogin zw Schleswig, Holstein, Stormarn vnd der Ditmarschen, graffin zw Oldenburg vnd Delmenhorst, witwe, bekhennen hiemit, das wir mit des durchleuchtigen fursten vnsers freundtlichen geliebten sohns hern Fridrichenn des andern zw Dennemarcken, Norwegen etc. konigen etc. freündtliche bewilligung etliche guter vff Arr, so zw dem closter zw Odensee sanct. Knut genandt gehoren, vnd die vor vns Johan Reuentlaw seliger gehabt, vor achtzehen hundert daler pfandsweys an vns geloset, vnd das aber hochgedachter vnser geliebter sohn vns soliche achtzehen hundert daler vff heut dato widerumb erlegen lassen, daran vns wol genuget. Vnnd wolten solichs hiemit zur wissenschafft vnder vnserm handzeichen bekhandt sein vnnd mit vnserm secret besiglen lassen. Zu Coldingen 30 ten Octob. anno etc. 67ten. Dorothea. Original paa Papir med Segl i rödt Vox (det Danske og det Saxiske Vaaben).. 181. 1567, 3 November. Was wir in muterlichen treuwen ehr liebs vnnd guts vermugen züüorn. Durchleuchtiger furst, freuntlicher geliebter sohn. Was vns e. 1. in sachen betreffendt jren brudern hertzog Hanssen etc. einer heurat halben zur antwordt geben, haben
