50
das e. 1. disen brief verbrennen vnd vnser hertzlieber son sein vnnd pleiben wolle. Befelhen damit e. 1. vnd jre sachen Gots gnedigen schutz. Datum Coldingen den 25 Januarij anno etc. 68. Dorothea vonn Gots gnaden konigin zu Dennemark etc. widtwe. Paategning: Productum Fridrichsburg den 8 Februarij anno etc. 68. Original paa Papir med Udskrift til Kongen,,zw sr. l. aigen handen“ og Segl i rödt Vox (det Danske og det Saxiske Vaaben). 185. 1568, 28 Januar. Dorothea von Gots gnaden zw Dennemark, Norwegen, der Wenden vnnd Gotten konigin, geborne zw Sachssen etc., hertzogin zw Schleswig, Holstein etc., witwe. Was wir in ehren liebs vnnd guts vermugen zuuorn. Hochgeborner furst, freundtlicher geliebter bruder. Wir mogen aus gnedigstem mitleiden nit vnderlassen hiemit vnsers burgers, dem von seinem eigenen knecht bey 70 daler gestolenn wordenn, zugedenckenn. Dan weil der dieb nicht kan gepeiniget werdenn an dem ort, da man nit macht hat jn zuuerurtheilen, wie dan auch vnser burger derhalbenn verhindert, das er den dieb seines gefallens vnd zu seinem besten des entkommenen gelts halbenn an den enden, da das gelt vndergeschleufft, nit peinigen lassen kan, er sey dan zuuor von e. l. rechtszwang allerding ledig, so thun wir e. l. demnach gantz freuntlich bittenn, die wolle vmb dieser vnser vorbit willen vnnd in gnediger erwegung, das vnser burger zu seinem gelt nit kommen kan, er habe dan dieses orts gentzlichen gewalt vber den dieb, guediglich zulassenn, das der dieb nit mer vnder e. l. gerichtszwang gebracht, sonder alhie zu vnsers burgers besten verurtheylt vnnd gepeiniget werden moge. Daran erzeigt e. 1. ein werck der barmhertzigkeit vnnd wir wollen es in gleichem fall vnd sunst schwesterlich gernn beschuldenn. Datum Coldingen den 28ten Januarij anno etc. 68ten. Dorothea. Paategning: kuin Dorothea etc. schreibt nochmals des aus dem ampt Tundern gefolgten diebes halber, das er auch ferner zu Coldingen muge torquirt vnnd ad jnstantiam accusatoris vorvrtheilt werden. Præsentatum Hannsburg 30ª Januarij 1568°. Original paa Papir med Udskrift til Hertug Hans den Ældre og Spor af Segl i rödt Vox. 186. 1568, 12 Februar. Was wir in ehrenn liebs vnnd guts vermugen zuuor. Durchleuchtiger furst, freuntlicher geliebter sohn. Wir thun vns gantz muterlich bedanckenn, das e. l. zu derselbenn brudern hertzog Magnussen besten jre werbung bey dem konig zu Poln
