53
machenn. Ob sie dan wol willig vnnd schuldig nebenn andern e. l. vnderthonen jre gebur zuleistenn, so berichtenn sie, das alhie keine boszleut, vielweniger zubekhommen, vnnd die sie hettenn, mussen vff die stiffts victualien, die alhie angebracht werdenn, wartenn soliche nach Coppenhagenn zubringenn, werenn also zw e. 1. bestenn von hier nit zuentratenn. Die andere anzal volck wustenn sie auch niergent vor gelt zubekommen. So hete es auch allein ein balbierer bey jnen, der taugte nichs. Vnnd habenn hieruff vnderthenigst gebettenn sie an e. l. zuuerschreibenn, das sie mit dem begerten volck auszumachenn mochten verschonet pleibenn. Daruff thun wir freundtlich bittenn, weil es in warheit e. 1. bestes ist, die wolle zufriedenn sein, das die burger keine boszleut, auch, wa zugeschehenn, die andere begerte leut nit ausmachen mogenn. Vnnd wolle sich e. 1. hierinn den gnedigsten konig erzeigenn vnnd dieser vnnser vorbitt genieszenn lassen. Das begern wir muterlich zubeschuldenn. Gott befolhen. Datum Coldingen den 10 ten Martij anno etc. 68ten. Dorothea. Dorothea von Gots gnaden konigin zw Dennemarck, Norwegen etc., geborne zw Sachssenn etc., hertzoginn zw Schleswig, Holstein etc., witwe. Original paa Papir med Udskrift til Kongen og Segl (det Danske og det Saxiske Vaaben) i rödt Vox. 190. 1568, 18 Maj. Vnser muterliche trew alle zeit zuuorn. Durchleuchtiger furst, freundtlicher geliebter sohn. Aus muterlicher vnnd freundtlicher zuuorsicht schreibenn wir hiemit an e. 1. mit vleisiger dancksagung der eingewilligten funfftig ohmen weinsz, die sie jrem brudern zu der bewustenn hochzeit verehren. Vnd nachdem wir eines schiffes benotiget sein, woliches wir gern zu zufurung noturfftiger holtzung, damit vnsere holtzung nit verhauwen, gebrauchen wolten, vnnd aber ein solichs dieser orter nirgent zubekommen, so thun wir e. l. als den freundtlichen geliebten sohn muterlich bittenn, weil wir erachten konnen, das e. l. wol schiff haben, die sie zu orlogschiffen nit gebrauchen, vnd dauon vns e. l. wol eines mit theilen konnen, e. l. wolle vns etwa eines von funfftizig last, damit wir holtz, wie oben gemeldet, fuhren konnen lassen, sonlich vbergebenn vnnd zuschickenn vnnd sich hierin vnnser zuuorsicht nach sonlich erzeigenn. Das begernn wir vmb e. l. muterlich zuuerschulden, die wir in den schutz des allmechtigen thun beuelhen. Datum Coldingen den 18ten Maij anno etc. 68ten Dorothea. Von Gots gnaden konigin Dorothea zw Dennemark, Norwegen etc., geborne zw Sachsen etc., witwe. Original paa Papir med Udskrift til Kongen og Segl (det Danske og det Saxiske Vaaben) i rödt Vox. 111 B. 3 H. (1863). 7
