62
vernommen, 29 vnd sein darob, auch als wir vergangner tage aus andern ortern her gehort, das hertzog Hans aus Finlandt bey e. 1. den friden sucht, als die muter hertzlich erfruwet worden. Wunschen e. l. darzu gluck, heyl vnd alle wolfart, vnnd bitten e. 1. gantz muterlich, die wolle soliche gelegenheit nit ausschlagen vnd gedencken, das zuuor keyser vnd fursten vil gearbeitet, aber es so weit nie bringen konnen, wolichs wir vor ein sonderliche schickung Gots mit dem konig aus Schweden halten. Vnd sihet zwar nu iederman, wan Gott sein hand abzeucht, das weder ehr noch reichtumb hilfft, vnd das Got keine hoffart leidet. Der liebe Got geb ja mit gnaden, das wir alle vns vnder seine gewaltige handt demutigen vnd vff menschen anschleg, die ohne Got geschehen, nit verlasszen. Wir hetten hertzlich gern gesehen, das e. l. zu jres brudern hochzeit selbst khommen were, wir muszen aber e. l. nach gestalt der sachen muterlich entschuldigt nemmen. Wer weist, warumb vnser Got die hochzeit so lang vfgeschobenn, vileicht das e. l. nach verrichter sach gleichwol noch kommen kan, darumb wir vnsern lieben Got treulich bitten wollen, demselben auch e. 1. gantz treulich empfelhen. Datum Coldingen 23 Augusti ao. 68. Von Gots gnaden Dorothea zu Dennemark, Norwegen etc. konigin, geborne zu Sachssenn etc., widtwe. Med Enkedronningens egen Haand er tilföjet: Dorothea dejn getruwe mutter yn warheyt, ych lebe noch yn guder hofnyng, das Got wert sycken, das du zw vnser armen hochzeyt werst kamen. Original paa Papir med Udskrift til Kongen og Segl (det Danske og det Saxiske Vaaben) i rödt Vox. 199. 1568, 8 September. Vnnser muterliche trew iederzeit zuuorn. Durchleuchtiger furst, freundtlicher geliebter sohn. Nachdem die zeit nu herzu khombt, das e. 1. bruders hertzog Hanssen hochzeit sol gehalten werden, so mogen wir e. 1., jnmassen wir derselben bey Holger zuempotten, muterlich nit pergenn, wie das der tischdiener halben sorgfeltig sein vnd hetten gern etlich adels personen, so vor der herrn tisch vorschneiden vnd dienen mochten. Weil vns dan e. 1. darin sohnlich willfahren kan, vnd e. l. ein ehr mit ist, wan es allenthalben wol zugeht, so bittenn wir freundtlich vnd muterlichenn, e. 1. wolle allerseitz zu ehrenn zwen vom adel von jren dienern zu obgedachter behuoff hieher senden vnd befurdern, das dieselbige gewislich den freitag vor der hochzeit als den 17ten Septemb. alhie erscheinen, vnnd wolle sich e. 1. sohnlich vnd gutwillig erzeigen. Das begern wir vmb e. 1. als den lieben sohn muterlichen zubeschulden. Befelhen hiemit e. l. in den schutz Gots, vnd bitten ein vnuerzuglich willferig antwort. Datum Coldingen 8 Septemb. ao 68. Dorothea vonn Gots gnaden konigin zw Dennemark, Norwegen etc., geborn zu Sachssen etc., widtwe.
