64
e. l. wirt in gnedigst vnd ehafftiglich entschuldigt nemmen. Dis solten wir e. l. mit befelhung des allmechtigen nit bergen. Datum Coldingen den 15 Octob. ao 68. Dorothea. Von Gots gnaden Dorothea konigin zu Dennemark etc. Original paa Papir med Udskrift til Kongen og Segl (det Danske og det Saxiske Vaaben) i rödt Vox. 202. 1569, 5 Januar. Durchleuchtiger furst, Vnnser muterliche trew sey e. l. iederzeit zuuorn. freundtlicher geliebter sonn. Wir mochtenn nit vnderlassen aus muterlicher sorgfeltigkeit hiemit an e. l. zuschreibenn, dann doctor Cornelj hat vns berichtet, jn was gefahr e. 1. auffm wasser gewesen, vnd dan das e. l. in willens sich anhero zu vns zuuerfuogenn vnd als disen abent anzulangen. Vnnd weil dan gedachter doctor so gar newlich als den vergangnen freitag von e. l. verreiset, vnd e. l. vber das auspleibt, sonderlich auch, weil sie, wie wir berichtet werden, bey Huneborg wagen bestelt, sein wir e. l. halben aus muterlicher liebe hertzlich bekommert vnd gantz sorgfeltig, wolten gern wissen, wie es e. 1. gehn mocht. Vnnd ist vnser gantz freundtlich bitt, da e. 1. noch nit vberkhommen kan, sie wolle so lang bey vns alhie pleiben vnd mit vns der getrewen muter vorlieb nemmen, dan e. l. als der liebe son sein vns gantz angenemb, vnd geschicht vns zu freuden vnd zu sonderer ergetzlicheit, wan wir e. 1. lang bey vns sehenn mogenn. Das wolten wir e. l. muterlich nit pergenn. Der allmechtige Gott erhalte e. l. vor allem vbel zu seinen Gotlichen ehren vnd vnns zufreuden, dem sey lob vnd danck, das seine Gotliche allmacht e. 1. nu zu etlichen malen aus grosser gefahr scheinbarlich errettet hatt, vnd gebe mit gnaden, das wir alle taglich vmb seine hilff treulich bittenn mogen. Datum Coldingen vf den hayligen drey konig abend vmb acht vhr gegen nacht eylich. Vonn Gots gnaden Dorothea konigin zu Dennemark, Norwegenn, geborn zu Sachssen etc. Med Dronningens egen Haand: Dorothea deyn getruwe mutter, dej vom hertzen bekumert yst dejner halben ytz. Ys yt Gotz wyl, spreche ych dych gern, er du obber zeust, meyn leyb son. Got sy myt dych. Original paa Papir med Udskrift til Kongen og Spor af Segl i rödt Vox.
