71
Was vnsere aus reys nach Holstein betrifft, mag e. 1. sonlich wissen, das wir entschloszen sein, sofehr vns der liebe Got frisch vnd gesund lasset, eben vf disen tag, wan e. 1. zu Wyburg einkhommen wollen, als namlich vf denn 16 Maij, von Coldingen zuziehenn, vnd solichs konnen wir vmb zugestandner vnser gelegenheit willen nit kurtzen oder lengern, wie wir e. 1. selbst muterlich berichten wollen, vnnd bitten hieruff muterlich, e. 1. wolle jre gelegenheit dahin richten, das sie desto zeitlicher ausziehen vnd zeitlich bey vns sein mogen, so wollen wir bis vf den 16ten Maij, wie gemelt, e. 1. hiemit mit freuden vnd verlangen erwartenn vnnd dieselbige als vnsern gantz liebenn sohn in den schirm des allerhochsten befelhen. Datum Coldingen den 25 Aprils ao 69. Dorothea. Dorothea von Gots gnaden konigin zu Dennemark, Norwegen etc., geborn zu Sachssen etc. Original paa Papir med Udskrift til Kongen og Segl (det Danske og det Saxiske Vaaben) i rödt Vox. 208. 1569, 27 Juli. Vnser muterliche trew vnd was wir viel ehr, liebs vnd guts vermugen zuuorn. Durchleuchtiger furst, freundtlicher vielgeliebter sohn. Nachdem vns der liebe Gott, dem dauor lob, ehr vnd danck gesagt sey, wiederumb gnediglich in diese jegent geholffenn, mochten wir aus muterlicher freundtlicher zuneigung nit vnderlassen dis vnser grus schreiben an e. l. zuthun, damit wir erfahren mogen, wie es e. 1. gehe, vnd ob e. 1. vns mit frolicher zeitung des fridens halben theilhafftig machen woltt. Dan Gott, der aller menschen hertzen kennett, weist, das vns dieser beschwerliche vnd langwurdige krieg vf dieser welt die hochste betrubnus ist, vnnd e. 1. kan vns derhalben auch mit keinem ding grosser erfrewen, als wan sie vns bey gegenwertigem vnserm botten neben e. 1. glucklichen zustande froliche zeitung zuerkhennen geben, wolichs der liebe Gott ya mit gnaden geruhe. Wir haben aber gleichwoll vngern gehortt, das die Schweden ettliche schiff, wie e. 1. letzstes schreiben meldett, nach dem sund lauffen laszenn, dan wir besorgen, weil e. l. denselben vf den dienst warten lassett, es mochte daraus vfs new weiterung erfolgen, wan sie vorgeben woltenn, sie hetten jre schiff nit mit kriegsrustung, sondern allein zu anderer noturfft abgefertigtt, vnd das sie sich im anstand des fridens nichs feindslichs befahren sollen. Dan wie der teufel dem frieden feind ist, also auch kan er demselben zuwider bald ettwas erregen. Wir wollen aber zu dem lieben Gott, der dem verstorer des friden wol wehren kan, vnsern trost setzenn, er werde einsmal seine gnad verleihen. Gott der allmechtige hatt konig Erych gesturtzt vnnd kan solichs gegen seinen brudern 9*
