73
Paa en indlagt Seddel: Auch freundtlicher geliebter sonn. Es sch(reibt) vnns vnser freundtliche geliebte tocht(er) vnder anderm, das sie mit jrem herrnn bey des administrators des ertzstiffts Magdeburg furstlichen ehlichen beileger zu Custrin gewesen, vnd nu vorhabens sein sich zum keyser gegen Prag zuuerfugen, dahin der herzog zw Beyern auch kommen wirt, vnd wi(r) erachten, das solichs e. l. von jrer schwester gedachter vnser tochter vileicht zugeschriben sein wirt. Jre 1. meldet vns auch, das zwischen dem konig zu Franckreich vnd dem amiral ein frid geschlossen vnnd wunschet, das der allmechtige Got e. l. vnd also jrer 1. geliebten vaterlandt auch einen ehrlichen bestendigen friden verleihen wolle. Datum vt in literis. Dorothea. 210. 1569, 14 September. Was wir aus wilfahrigem mutterlichem trewem willen vermugen jederzeit zuuorn. Durchleuchtiger furst, freundtlicher hertzlieber sohn. Gegenwertiger briefzeiger hatt vns ein schreiben von e. l. vberantwortet, neben dem auch zwelff mand(el) grawwerk, damit e. 1. vns sohnlichen vererhren, wolchs wir dann von e. l. als dem hertz lieben sohn zu mutterlichem danck vnd gefallen vf vnd annemen, erbietten vns auch soliche freundliche wilfehrigkeit, dabey wir erspuren, das e. 1. vnser freundlich eingedenck sein, hinwider gern zuuergleichen. Souil dann den rest des schatzes betrifft, der bey vnsern leybgedings bawren noch nachsteen soll, wissent e. 1. das wir noch jungst zw Friderichsburg zu erlangung derselbigen restants ernstlich schreyben lassen, haben auch des von hier aus bestelt vnd wollents noch thuen, dann was e. 1. vnd dem reich sunderlich jn diser jetzigen gelegenheit zu gutter furderung zugelangen, wolten wir vngern, das es ahn den vnsern mangeln solte, dann e. l. als dem sohn ehr, liebs vnd guts zuerzaigen sein wir als die mutter dazu geneigt, befehlend auch e. 1. dem schutz Gots zu glückseligem regiment vnd zu aller gotseligen wohlfarth. Datum Coldingen den 14ten Septembris anno etc. 69. Dorothea. Dorothea von Gots gnaden zw Dennemark, Norwegen, der Wenden vnd Gothen königin, geborne zw Sachsen, witwe etc. Original paa Papir med Udskrift til Kongen og Segl (det Danske og det Saxiske Vaaben) i rödt Vox.
