98
taxieret dieselbige zum ersten zuerlegen, vnd ob sie wol in vnderthenigkeitt begirig e. 1. gnedigstem befelch nach zusetzen, so sey es inen doch vnmuglich in der eyl ein solch gelt auffzubringen, vil weniger das die burgerschafft in solichem vermugen sein solten, vnd haben vns derhalben vmb gnedigste vorschrifft in vnderthenigkeit ersucht. Ob wir nu wol e. l. nit gern beschwern vnd woll erachten konnen, das e.l. solich geldes hochnotig vnd dasselbige von jren getreuwen vnderthanen haben muszen, so bedencken wir doch bey vns, das wir vnsern armen vnderthonen soliche vnderthenigst flehen nit versagen konnen. Derhalben bitten wir freundtlich vnnd muterlich, e. 1. wolle vns nit vnsonlich verdencken, vnd belangen also e. 1. hirmitt freundlich vnd muterlich, e. 1. wolle gemelten burgern zu Coldingenn so gnedigst erscheinen, das die an den gesetzten vnd taxierten xvc daler linderung zu empfahen vnd, so vil zugeschehen, gnedigst vbersehen werdenn mugen. An dem thut e. 1. den armen leuten gnedigste erzeigung, vnd wir wollen es vmb e. l. gantz mutterlich beschulden. Befelhen also hirmit e. 1. dem schutz des allmechtigen Gotts. Datum Sonderburg den 4 Januarij anno etc. lxxj. Dorothea. Von Gots gnaden Dorothea, geborne hertzogin zu Sachssen etc., konigin zu Dennemarcken etc., widtwe. Original paa Papir med Udskrift til Kongen og Segl i rödt Vox (det Danske og det Saxiske Vaaben). 240. 1571, 27 Marts. Dorothea von Gotts gnaden zw Dennemarck, Norwegen, der Wenden vnd Gotten konigin, geborne zw Sachssen, hertzogin zu Schleswig, Holstein, witwe etc. Was wir in schwesterlichen trewen ehr, liebs vnd guts vermugen zuuor. Hochgeborner furst, freuntlicher geliebter bruder. Es hat vns e. 1. kammerjuncker Woyn e. l. freuntlich schreiben neben vnser ausgegebner vorschreibung vff die sibenthausent taler, die e. 1. vns bruderlich vorgestrecket, vberandtwortet, vnd so thuen wir e. 1. bey gemeltem jrem dienern soliche vorgestreckte sibenthausent taler hiemit widerumb schicken vnd bezalen, mit gantz schwesterlicher dancksagung, das e. l. vns diese summa gelts so gutwillig gelihen, begeren solichs in ehren schwesterlich zubeschulden. So vil dan den bewusten kornkauff belanget, mogen wir e. l. nochmals in der warheit schreiben, das wir noch jungst etlichen Flensburgern die lasth korns vmb die sechs vnd dreysig daler verkaufft, vnd solt vns leid seyn, das wir gegen e. l. eine theurung machen oder von derselben mher als wolgemeiner kauff ist, begeren solten, wie es sich dan auch von vns keines wegs geburte. Vnd vnangesehenn das sich obgemelts also erhelt, so sol e. l. als der freuntliche geliebte bruder gleichwol hierin zu mitlen
