99
vnd zu messigen macht haben, das namlich e. l. vns vor die last so vil gebe, als sie desfals vor die wurde erkennet. Doch, wie gemeldet, jst vns noch dieser tage vor die last xxxvj daler gebotten worden. E. 1. wolle dises von vns jm besten vermercken, vnd wir befelhen hiemit e. l. Gots gnedigen schutz. Datum Sonderburg 27 Marcj anno 71. Dorothea. Paategning: Productum Hanspurg den 28 Marcij ao etc. 71. Khonigin Dorothea vberschickt m. g. f. vnd hern bei Ewald Woyen die gelehnten 7000 daler vnd dan den kornkauff betreffen. Original paa Papir med Udskrift til Hertug Hans den Ældre og Segl i rödt Vox (det Danske og det Saxiske Vaaben). 241. 1571, 27 April. Dorothea von Gots gnaden zw Dennemarck, Norwegen, der Wenden vnd Gotten konigin etc. Was wir in schwesterlichen trewen ehr, liebs vnd guts vermugen zu ieder zeit zuuoran. Hochgeborner furst, freundtlicher geliebter bruder. Wir wollen e. 1. freundtlich vnnd schwesterlich nit bergen, wie das e. 1. ambtman zu Tundern neben den vnsern zu Blansz erschinenn vnd die jrrungen, so sich einer gemeinen waide halben zwischenn den dorffern Blans, Vldrup vnd Schnabek, wie e. l. bewust, erhelt, fur die hand genommen, jn meinung dieselbige zuuergleichen. Es ist vns aber von den vnsern bericht einkommen, wie das vfdismal aus furgenomner handlung nichs worden, vnnd dasz dieselbge, weil die zu Blansz vff irer meinung beharret, stutzig abgangen, wolichs vns beschwerlich furkommen, dan wir mogen mit warheit schreiben, das wir alle weitleufftigkeit mit fleys fliehenn vnnd zu zanck vnd rechsgang gantz kein lust haben, vil weniger das wir neigung tragen solten gegen e. l. als dem freuntlichen geliebten brudern jns recht zuwachsszen, vnd begern dem auch so vil muglich vorzubawenn, wie wol wir vnsers ergangnen befelchs, das namlich begert, der zaun zu Blansz etlichermassen abgelegt werden mocht, kein schew tragen, dieweil das stuck erden, darumb sich der zanck erhelt, ein gemeine weide ist, daran die zu Schnabeck vnd Vldrup ja so wol jr antheil als die andere, vnd das soliche zu vil iharen vor ein gemeine weide keinem theil zu schaden genutzt worden. Damit aber gleichwol aller miszuerstande hinweg genommen vnd wir beder seitz mit vilem klagen der vnderthonen entubrigt, so sein wir des billichen erbietens vnserstheils etliche vnparteyische vom adel zuuerordnen, auch denselben volkhomlichen gewalt zugeben, was sie desfals ab oder zu erkhennenn, dasselbige vor gefellig vnd krefftig anzunemmen, vnd biten demnach e. l. als den geliebten brudern freuntlich vnd schwesterlich, e. 1. wolle ir dise vnsere meinung bruderlich wol lasszen gefallen vnd ires theyls auch
