100
etliche vorordnen, vnd vns die zeit, wan soliche zusamenkunfft geschehen soll, bey disem darumb abgefertigtenn botten freundtlich anmelden, damit wir zeitlich gnug verordnung thun konnen. Wir bitten aber daneben freuntlich, e. l. wolle den jrigen zu Blans befelhen, das sie mittler zeit des zaunens, sehen vnd grabens mussig gehn vnd sich so lang der erden entschlagen. Daran erzeiget e. l. vnsz einen freuntlichen willen, vnnd wir befelhen e. 1. hiemit dem getrewenn Got zu allem wolgehn vnd zu zeitlicher vnd ewiger wolfahrt. Datum Sonderburg den 27 Aprilis ao 71. Dorothea. Paategning: Konigin Dorothea etc. schreiben die gebrechen zu Blansz betreffen. Productum Hanspurgk den 28 Aprilis ao etc. 71. Original paa Papir med Udskrift til Hertug Hans den Ældre ,,zu sr. 1. eigen handen" og Segl i rödt Vox (det Danske og det Saxiske Vaaben). Bilag til Nr. 241. 1. 1541, 14 eller 21 Juli. Witlick vnd apenbar sy allen vnd jtzlicken dusses jegenwerdigen dingeswindes ansichtigern, dat im jare na Christj vnses leuen heren vnd salichmakers gebort voffteinhundert darna jm xljten, donnerdages na s. Margareta, js vp Nubul herdes dinge bynnen iiij dingestocken gehegedes dinges rechtens personlich thor stede erschenen de erbare vnd ernfeste Bertram van Aneuelde van ko. maytt. wegen amptman tho Sunderborch, sintemal he de lacht van den doerpluden tho Vlderup vnd Schnabegk des thunes haluen, welcker de van Blans getunet hebben, genochsam vorhoret vnd den schaden vnd nadeel in ehrer gresinge vnd weyde, so de beiden vorbenompten doerper geleden hebben vnd noch lyden, thom deel vnd ock all wol vorstan hefft, vnd sine duchtige erbar: daran vnd darauer gewest sy vnd den vorgenanten thun personlich besichtiget. Is derhaluen vororsaket vnd hefft erfordert vnd dorch den ersamen Juer Persen herdesfaget vthnomen lathen 24 loffwerdige vnberuchtigde herdesluden eyn affscheit des thunes vnd der weyde haluen na dem landtrechte thoseggende, vnd alse se den thun ock samptlicken besehen hebben vnd in der sake wol vnderrichtet sint vnd sick vndereinander thom alderflitigsten vnd genochsam belerth, hebben se dem gudem vorstande vnd rechter erkentenis na vor eyn ordel vnd sententye affgespraken vnd gefunden, dat hegede vor sick by macht schal sin vnd weyde vor sick, weyde vnuorkortet tho syn vnd mit affthunende nicht vorringert, dat de doerplude van Blans den andern negest anliggenden dorpern alse Schnabegk vnd Vlderup neinen schaden mit thunende jn der weide thofogen scholen, sunder dat quick van all den dreen dorpern, idt sy ossen, perde, koigge, schwine, schape, gensse effte wat dat sy, in der weyde vnd gresinge frig dorch einander henlopen schal, vnd wo sus lang her dat eine doerp fegh iegen dat ander im fryen velde hen gan mach vnuorfenglich, vnd de thun twischen hegede vnd weide der vorbenomeden dorpern schal betunet werden ostwart by der moelen hen jnt solte water henuth, alse he vor hundert jaren getunet is gewesen vnd gestanden hefft, dat sich nemant onderwynde vmher van der weyde in tho tunende, den wat van oldinges her in vorigen jaren gewoenlich is gewesen, dat ein ieder moege wedderfahren wat lick vnd recht is. Hirup weren de ersamen Jes Pren van wegenn der gantzen gemeynen jnwanern tho Snabegk vnd Hans Preen van wegen der van Vlderup ein fullenkamen dinges (winde) erfurderende vnd begerende, dat ick Juer Persen herdesfaget ergedacht mit rechte vnd wo billich ehn nicht hebbe konnen weygern, sunder dartho vthgenomet viij vnberuchtede vnpartyesche herdesluden, alse mit namen Andres Bartels tho Schramisgard, Peter Nielsen tho Auenbul, Hans Buntzen tho Bugschouw, Nis Calliscen tho Dunte, Jurgen Nielsen tho Nubul, Nis Tylsen tho Dutbul, Jep Nielsen tho Ragbul vnd Claus Riggelsen tho Stenderup, desuluen achte erhafftige frame hardes luden vth gingen sick derhaluen tho bespreken vnd tho beradende vnd na besprake mit rikem rade vnd wolbedachtes modes wedderumb bynnen obgenante iiij dingestocken jnquemen, eindrechtigen by ehren waren worden, truwen vnd guden gelouen wunden, tugeden vnd seden, dat idt also in der warde was gescheen vnd gefahren, wo vor hen
