129
Datum Ambasie die decima nona mensis Maij anno domini millesimo quingentesimo decimo octauo et regni nostri quarto. Sub plica: Francoys. In plica: Per regem. Gedoyn mpss. 12. Litteræ Frederici I cum Theoderico de Reidt ad Franciscum I missæ. 1524, autumno ineunte? Fridericus Dej gracia Dacie, Vandalorum Gottorumque rex, electus jn regem Noruegie, dux Slesuigi, Holsacie, Stormarie ac Dithmarcie, comes jn Oldenburg et Delmenhorst, clarissimo ac prepo[te]ntissimo principj et domino Francisco eadem gracia Francorum regi, duci Mediolani ac Genue domino, fratri ac consanguineo nostro charissimo, salutem et felicitatem. Jllustrissime ac prepotentissime princeps, cum iam post multa ac varia bella et jncommoda ad regni fastigium sola Diuina miseracione peruenimus, certo nobis persuadere possumus, non jn solam nostram vtilitatem, sed et vt patria et amicj nostri partem potite victorie sibi vendicarent, ab optimo ac maximo Deo permissum, jndecorumque esse satis arbitrari possumus, tot tantorumque beneficiorum nobis, cum in ducali statu agebamus, exhibitorum jmmemorem fore. Mittimus igitur prestantem fidelem nostrum consiliarium Theodericum de Reeth nomine nostro, cui obsequiosum et propensum animum nostrum dominacioni vestre exponendum, super hoc omnia ac singula negocia nostra cum dominacione vestra tractanda commisimus, petendo vt eidem Theoderico de Reth nomine nostro in id tempus plenam fidem, locum et auctoritatem, ac sj jn propria persona vobiscum ageremus, dare velitis. Jn quo et rem vestra jn nos beneuolencia dignam et nobis pergratam feceritis. Jllustrissime et clarissime princeps, Deus optimus maximus vos statumque vestrum jndies cum victorie jncremento secundare velit. Datum. - Ex charta primæ scriptionis. Epistolæ Jacobi IV, Jacobi V et Mariæ, regum Scotorum, eorumque tutorum et regni gubernatorum etc. (Edinburgi 1722-1724 in octauo) vol. I pagg. 348-349 litteras afferunt, a Jacobo V die 17 Octobris anni 1524 Edwardo Crawford ad Fredericum I datas. Instructio Christierni II et Elizabethæ die 13 Augusti 1525 Nicolao Tyrri ad Henricum VIII data, litteræ eorundem intercessoriæ pro eodem nuntio suspecto ad regem eundem die 21 Septembris scriptæ, regi armorum Danmark perferendæ, instructio huic credita, et litteræ Christierni II, die 5 Octobris 1526 ad Thomam Wolsey scriptæ, apud Kalkar (Aktstykker henhörende til Danmarks Historie i Reformationstiden, Othiniæ 1845 in quarto, pagg. 38-41, 35-38, 37 et 45-46) typis excusæ sunt. 13. 1525, vere vel æstate ineunte. Legatio Iacobi Ronnowen, quam in Gallias pertulit, quo tempore rex Fridericus primum ad Danici regni administrationem peruenit, continens nunctium salutis amicæ et quod Fridericus inuitus sane audierit, fratrem suum
