146
nos esset, id quod non credere tantum nobis sed experiri fratrem nostrum cupimus, quem hijs paucis Deo optimo maximo commendamus. Acta die xxvja Augistj. A (?). D. L. ss. Ffrederich. E charta manu Petri Suauenii conscripta, signeto Frederici regis sigillata, cui subscripserunt legatus Gallicus datum et initiales nominis sui et nomen suum Fredericus rex. 29. Litteræ Francisci I ad Fredericum I de suis contra Christierni II in Anglia et Scotia machinationes sedulis officiis scriptæ, cum Frederico Seland heraldo missæ. 1528, 5 Septembris. Franciscvs, Dei gratia Francorum rex et Genuæ dominus, jllustrissimo ac potentissimo principi Federico, Danorum, Gotthorum Vandalorumque regi, fratri ac amico nostro carissimo, felices rerum exitus optat. Jllustrissime ac potentissime princeps. Jdem qui has ad uos perfert litteras, uestras nobis eo iucundiores reddidit, quo animi in nos uestri beneuolentiam certioribus comprobabant indicijs. Quæ res quantum nobis grata contigerit quod que sit nostrum et consilium et in hac materia desiderium, ideo minus in presentia aperiundum uidetur, quia nuper ad uos oratorem misimus, a quo id ipsum et plenius et tutius coram factum iri confidimus; ut iam sit reliquum ad litterarum uestrarum caput alterum uenire, ubi Christiernum aduersarium noui aliquid in Scotia aduersus regnum uestrum molientem audisse significatis. Quod et si non facile credimus, tamen, cum probe intelligamus, quanto id rebus uestris posset esse detrimento, ibimus nos quidem obuiam, quantum apud serenissimos Angliæ et Scotiæ reges æquitate, gratia et precibus consequi poterimus, apud quos pro mutua inter eos et nos necessitudine litteras nostras non nihil ponderis habuisse futurum breui speramus, ut non sine summa nostra uoluptate ac magno uestro beneficio sentiatis. Jllustrissime ac potentissime princeps, Deus optimus maximus uobis ac rebus uestris omnibus assidue faueat. Datum apud sanctum Germanum in Laya die quinta mensis Septembris 1528. Francoys. Robertet. Ex archetypo chartaceo cui a tergo adsunt sigillum cera rubra impressum et præscriptio ad Federicum regem. 30 a. Litteræ Johannis ducis Albania ad Fredericum I cum Frederico Seland heraldo missæ. 1528, 18 Septembris. Jllustrissime excellentissime atque inuictissime rex. Cum rerum omnium succesu felicissimo salutem. Illas quidem gratissimas a Frederico Seilando armorum rege magestatis vestre inuictissime accepimus litteras, cui pro virili, vt ad grata sua
