148
simus dux, rerum regnique Scotie gubernator et moderator talem cum rege Scotorum nauabit operam, quod dictus ipse Cristiarnus auxilium aut fauorem a se suo ve regno habebit nullum. A suo quidem armorum rege sua plenius accepiet megestas, que jnuictissimo Scotorum regi suis iam significauit literis, vt pote non solum dicto Cristiarno nullum prestaret auxilium aut fauorem, sed etiam ipse jnuictissimus Danorum rex cum ipso solidissimam perpetuamque et faceret et firmaret amiciciam sibique auxilium et fauorem (si opus foret) prestaret. Jtidem et similiter ipse prefatus dux Christianissimum Francorum regem, suum dñm, jnuictissimis et Scotorum et Anglorum regibus suis significare et solicitare literis et alias curauit, sic quod, vt speratur, dictus inuictissimus Danorum rex re ipsa sentiet animum, diligentiam, constanciam et amicitiam dicti illustrissimj ducis. Vltra et ipse Scotorum rex ipsius Danorum regis in omnem fortune euentum defendet partes, attento quod ipsius Angusie comitis euaserit manus ipsiusque illustrissimj ducis, vt creditur, in futurum acquiescet votis, que semper ad ipsius eiusque regni et veram et maiorem erunt illustrationem et vtilitatem, regisque Danorum inuictissimj verum auxilium et fauorem, vt a prefato armorum rege fortius clariusque accepere licebit. Preterea ipse illustrissimus dux declarari vult et desiderat prefato principi jnuictissimo, qualiter ipse jnuictissimus Scotorum rex, profligatis et in exilium missis Angusie comite eiusque parentibus et amicis, eorumque bonis et fortunis fisco applicatis, cum dicto Cristiarno et fedus et amicitiam nonnullorum suasu et perfedia inire volebat, sibique ipse Cristiarnus suarum filiarum presentauit vnam, varijs solicitando medijs, et ipsum Scotorum regnum libere et secure intrare valeret, ibidemque vt suis sub insigniis et nomine monetam fabricare, cudere, signare et publicare liceret, sibique Scotorum regi decem milia aurea obtulerat scuta, quibus sane jntellectis illico ipse illustrissimus dux suis quidem literis et alias effecit, et¹ nonnihil delationis prefata Cristiarni acceperint negocia, curabitque certissime, quod nullum penitus habebunt effectum, ipseque Scotorum rex sue magestati et auxilium et fauorem sua pro potestate prestabit, similiter et ipse Francorum rex Cristianissimus. Jnsuper, quod ipse Christianissimus Francorum rex suum sue magestati legauerit ambassatorem, cuius in proximum spectatur responsum, pro presenti fortius non jnsistit. Jtaque et prefato Danorum regi inuictissimo ex parte dicti illustrissimi ducis consulet et dicet, vt Scotorum regi jnuictissimo quam ocissime legatum mittat, sibi super premissis soluendo grates congratulandoque, quod profligauit extorresque egit ipsum Angusie comitem eiusque parentes, fautores et amicos, qui ipsum suo in regno quasi captiuum tenebant crudeliter et cum omni rigore, sua consumendo et penitus delapidando bona; offerendo sibi auxilium et fauorem vbi et quando habere libuerit, vt plenius clariusque a dicto duce accepiet; 1
- vt?
