154
34 b. Credita per articulos Dongallo Campbel data, nomine serenissimi principis Jacobi Scotorum regis excellentissimo et potentissimo principi Federico Danorum regi, suo consanguineo, fratri et confederato charissimo, dicenda, ac per reuerendissimum in Cristo patrem Gawinum Glasguuensem archiepiscopum, regnj Scotie cancellarium, de ipsius illustrissimi regis mandato eo absente subscripta. Jn primis regiam maiestatem dicto illustrissimi ¹ principi Federico regi, consanguineo, fratri ac confederato suo charissimo quam commendatissimam facito. Ad ipsius Federici regis memoriam reducito, quam sanguinis proximitas suasum facit regie maiestati memoratum suum consanguineum certiorem reddere, que uel prospera uel aduersa sibi aut regno imminere videntur. Ostendito, quemadmodum post multas varias que tribulationes regia maiestas, exacta minore sua etate, regni regimen susceperit, quod bene fauste que et feliciter (annuentibus superis) ad regni populi que sui vtilitatem moderari intendit. Verum tamen in hoc tam leto principio timetur, vicinas gentes spretis federibus bellum in regnum Scoticum moliri, sed rege adhuc minore necligencia eorum, qui res regni tenebant, munitiones bellice pene funditus sunt exhauste, idcirco amicos principes rogare cogitur, ut in inopinato discrimine suppecias ferant. Propterea regiam maiestatem Danie rogatam facito, huc proxime venturis nauibus duodecem bombardici pulueris lastas sua nobis impensa mittat et minutila tormenta bellica, qualia vulgo falconis, haggebuttis et culueringis vocant, quot sua beneficencia impertiri voluerit, cum sex peritissimis viris, qui ista curare sciunt, regiis, postquam huc applicuerint, impensis honeste alendis. Nostri proinde illustrissimi regis voluntatem esse ostendito, serenissimo Danie regi, consanguineo, fratri et confederato non minorem se laturum opem, si quando res Danica id postulauerit. Hiis dictis sedulo responsum petito, et aut celeriter redito aut nuntium mittito, nos cerciores redditurum, quid ex amico principe sperandum sit. I risthinus a secretis. Ex archetypo chartaceo cum sigillo cera rubra impresso. 35. Litteræ credentiales Johannis Zapolya, Hieronimo de Lasko ad Fredericum I data. 1529, 4 Aprilis. Serenissimo principi domino Friderico, Dacie ac Norwegie et Swedne Dei gracia regi, ducj Slesuyczensi ac Holsteniensi etc., fratri nostro charissimo, Johannes, 1 o: illustrissimo.
