207
meritis malam referat gratiam. Ea de caussa rogo, ut paternitas uestra mandatum aliquod obtinere uelit mihi a Christianissimo rege, quo uicarius prepositi Parrisiensis admoneatur, ne uinctos illos prius dimittat, quam adueniat aliquis a rege meo missus, qui illos accusare et secundum facti qualitatem ad poenas exposcere ualeat. tam erit gratum regi meo, ut nihil possit hoc tempore gratius facere paternitas uestra, cuj me hijs paucis ad perpetuo duraturum ministerium commendo. Hoc E charta primæ scriptionis Petri Suauenii. Relatio magistri Christierni Petri, quam de rebus Christierni II in aula Gallica frustra actis ad hunc regem suum die 28 Octobris 1527 scripsit, in opere Allenii: Breve og Aktstykker til Oplysning af Christiern IIs og Frederik Is Historie, vol. I pagg. 496-498, nunc typis impressa est. 63. Litteræ Jacobi V ad Fredericum I de nauibus Scoticis in portu Marstrandiæ a Hollandis spoliatis scripta. 1533, 21 Martii. Jacobus Dei gratia Scotorum rex serenissimo ac potentissimo principi Frederico eadem gratia Datie, Suetie, Norvegie etc. regi, fratri, confederato ac consanguineo suo dilecto salutem. Serenissime princeps, frater, confederate ac consanguinee noster charissime. Dedimus ante sex annos ad maiestatem vestram literas querimonie plenas, nimirum vti e nostratibus naues tres, que tum in patriam e Flandria redeuntes tempestatibus acte apud vos salutis gratia desederant, communi gentium et iure commercioque prohibite atque ab Hollandis prede loco habite, per extremam immanitatem, ereptis mercibus ac trucidatis nautis, in portu vestro Melstradensi perierint. Verum ut hec admissa facinora compensarentur, simul ne quid nostris illatum seuicie cedium aut rapinarum impune esset, in ius vocatis predonibus, decreto per vos prouisum intelleximus, vti habita ratione ereptarum mercium et accepti damni ex equo certa nostris persolueretur pecunia. Quamobrem maiestati vestre gratias agimus quas debemus, si quid vestris apud nos eiusmodi contigerit negocii, ipsa re relaturi. Sed tamen hactenus infecta res stetit, non aliter quam si ea in re nil iuris esset administratum, neque enim decreto paruere predones, neque quam nostris adiudicastis pecuniam ea prestatur; quin potius res repetentibus contra iura gentium cruces et verbera sunt oblata. Rursus igitur admonendos simulque rogandos vos duximus, vti lesis apud vos nostris ex equo consulatis, ne per predonum impunitatem ad extrema iuris remedia descendere cogamur. Serenissime ac potentissime princeps, frater, confederate ac consanguinee noster charissime, vale. Ex edibus salutifere crucis Edinburgi xxjo die mensis Mercij anno ab incarnato domino trigesimo secundo supra millesimum et quingentesimum.
James rex. Ex archetypo chartaceo, cui a tergo adsunt sigillum cera rubra impressum et præscriptio ad Fredericum regem. De eo, quod annis 1523-1529 Christierno II et Scotiæ interfuit, commercio, cfr. Allen: 26*
