215
Ex archetypo chartaceo a rege signato, cui a tergo adsunt præscriptio suprascripta et vestigia sigilli cera rubra impressi. Hæ tamen litteræ, ita ut etiam præcedentes, quum in archiuo regio asseruentur, unquam transmissæ sunt. vix 66. Udkast til en Skrivelse fra det Danske Rigsraad til Henrik VIII. (1534, 18 December.) Dem grosmechtigsten fursten herren Heinrichen zu Engellandt vnd Franckreich konigen, herren zw Jrlandt vnd beschirmern des heiligen Christlichen glaubens entpieten wir von Gots gnaden N. N. N. vnd N. alle reiches rethe zw Denmarcken vnser gutwillig dinst zuuorn. Gnedigster konig. Wir stellen jn gar keinen zweiffel, ewer kon mat. haben nun mer gnugsam gehort vnd erfaren, welcher gestalt die stadt Lubeck ane recht, grundt, fug ader vrsachen, sundern allein aus einem gefasten vbermut ein gemeine gifftige vfrur vntter burgern vnd bawern jn den reichen Den marcken vnd fast an der gantzen see kantten nach absterben weylandt konig Frederichs zw Denmarcken vnsers gnedigsten herren milder gedechtnus, jn masen wie vormals kurtz vergangener jar jm reich Teutscher nation gewesen, erregt haben. Nhun komen wir jn glaubwirdige erfarung, wie dan ewer koniglich w. aus beyligender copi, der wir dannocht nit gar glauben geben kunnen, zusehen haben, das der gemelten stadt Lubeck etliche vfrurrische burger, die sich mit gewalt vnder einer solchen vfrur jn das regiment derselbigen stadt gedrungen, puntnus vnd eynung mit ewern ko" w. vfgericht vnd sich in derselbigen gegen ewern kon w. obligirt vnd verpflicht haben, das sie ewern kon w. das reich Denmarcken fur ein summa geldes, vngeuerlich zweintzig tawsent gulden, so sie denselbigen von Lubeck zugestelt, ane mittel geruhlichen zuhanden stellen vberantwortten wollen. Des wir vns dan nach gestalt der sachen nit wenig verwundern, jn ansehung das wir vns noch vilweniger erjnnern kunnen, wes gerechtigkeit gemelte von Lubeck zw dem reich Denmarcken haben mochten, dan wir jnen auch daran nichts gestendig. Vber das so ist jnen auch vnmuglich dasselbig reich ewern ko" w. ader jemants anderm dergestalt, wie sie sich verpflicht, zu vberantwortten, dan wir das hertz vnd groste theill von gemeltem reich, als Gudtlandt vnd Godtlandt, jn vnsern henden diser tage noch haben. dem so haben wir einhelliglich den durchleuchtigsten fursten vnd herren herrn Cristian, erben zw Norwegen, hertzogen zw Schleswig Holstein, weilandt konig Frederichs nachgelassenen son, vnsern gnedigsten herren, zum konig erwelt, dem auch nit allein wir, sundern auch gemeinlichen alle vnd die meisten des reichs jnwonern an burgern vnd bawern geschworen. Dan wir nit bedacht, als wir auch vor Godt vnd den menschen nit verantwortten kuntten, vns von der stadt Lubeck ader jemandes andern also verkauffen, vergeben ader jn ander hende stellen zu lassen, sundern ehe 27* Zw
