9
Welchs wir e. l. der gelegenheit nach so lang der krieg mit den Dehnen wehret. auch nicht verhalten mugen. Datum vt in literis. Ericus xiiij. Ex mandato regiæ matis proprio Georgius Solemotanus (o: Salemontanus) subscripsit. Paategning: An frawen Dorotheen konigin zu Denmarcken etc. wittwen. Ankommen zu Rotschildt den 29 Augustj anno 66. Samtidig Afskrift paa Papir. 156. 1566, 1 September. Was wir aus mutterlicher trewe ehren, liebs vnd guts vermögen zuuor. Hochgeborner furst, freuntlicher hertzlieber son, wir haben aus deiner l. schreiben, am 7 Augusti zum Newhausz datirt, mit beschwertem gemuet dein vnd deiner landt vnd leuten beschwerliche gelegenheit vernommen. Wir konnen aber leider nichts darzu thun, dan das wir ein mutterlichs getrews vnd gnedigst Christlich mitleiden mit deiner 1. vnd jrem betriebtenn vnd beschwerten landen vnd leuten haben. Der Almechtig wolle es zur besserung gnediglich richten. Vnd bedencken bei vns, weil aller menschlicher trost, hilff vnd entsetzung mangelt, das letzlich zu dem Christlichen mittel, welches Godt selbsz gestifftet hat, musz gegriffen werdenn, wie dan dergleichen mehr auch durch hohe potentaten geschehen ist, nemblich das durch eine Christliche ehestifftung aller vnwill abgestelt, freuntschafft vnnd fride gepflantzet vnd eusserster verderb landen vnd leuten abgewendet werde. Vnd demnach weil wir deiner l. gemuet dahin gerichtet vermercken, das sie zu desz königs zu Schweden schwester neigung hat, dieselbige zum ehegemahl zunemen, vnnd dan verhoffentlich, das dardurch dein l. vnd jre land vnd leute zu friedlichem stande vnd wesen kommen vnd die abgedrungen lande vnd leute wider erlangen mochten, so lassen wir vns solch dein Christlich bedenckenn vnd furnemen auch woll vnnd mutterlich gefallenn. Dan weil sonst kein andere errettuug zu hoffen, vnd disz auch one nachteill vnsers freuntlichen lieben sons desz konigs zu Dennemarcken geschehen kan, vnd dein 1. vnd jre bedrangte landt vnd leute dardurch konnen errettet werden, welches vngetzweifelt vnser son der konig deiner 1. auch bruderlich vnd woll gonnen wirdet, so haben wir einenn credentz prieff vnd jnstruction an den konig zu Schweden lassen verfertigen, wie dein l. beiuerwart zusehen hat. Weil aber dein 1. mehr leute, die zur beschickung dienstlich, dan wir, haben, aber nicht wissen mögen, wehn dein l. dartzu geprauchen wolle, so haben wir spatium in der jnstruction, darmit derselbigenn namen darein gesatzt werden, gelassen, vnd wirdet dein 1. dieselbige darein laszen setzen.
