19
bauern, so also zu der schefferej gebraucht werden, auch schatz frey lasszenn, dan wir dieselbge auch zu vnserm vorwerk gebrauchen, vnd sein arme leutlein, wie Jorgen Rosenkrantz bewust ist. E. 1. thun hieran auch ein Christlichs werk. Dorothea. Paa en anden indlagt Seddel: Auch freundtlicher lieber sohn, lang gebeitet ist nicht geschenckt. Darumb bitten wir, e. 1. vns das zugesagte ketzlein bey zeigern schickenn wolle. Damit geschicht vns zu gefallenn. Datum vt in literis. Original paa Papir med Udskrift til Kongen og Segl i rödt Vox (det Danske og det Saxiske Vaaben). 163. 1566, 8 November. Vnser muterliche trew zuuor. Durchleuchtiger furst, freundtlicher lieber sohn. Eben ietzo, wie wir disen vnsernn diener abgefertigt, kommen zweinh...... schutzen hieher, die von e. l. ins winterlager alhie verordnet worden sein. Nun bitten wir e. l. freuntlich, die wolle sie an andere orter weisenn lassenn, dan weil wir mit vnsern kindernn alhie ligen, sein wir sorgfeltig, das solich volck mit jrem hin vnd her webern die pestilentz verursachen mochten, weyl es hierumbwertzs auch, da sie herkommen, fast allenthalben stirbt. E. 1. wolle vns hierin im besten verstehn, das verschulden wir muterlich. Datum Coldingen 8 Nouemb. ao 66. . Dorothea von Gots gnaden konigin zu Dennemark, Norwegen etc. Dorothea. Original paa Papir med Udskrift til Kongen og Segl i rödt Vox (det Danske og det Saxiske Vaaben). 164. 1566, 28 December. Durchleuchtiger furst, Vnser muterlich getrew gemuht sey e. l. altzeit zuuor. freundtlicher hertzlieber sohn. Nachdem wir gedencken vermittelst Gotlicher gnaden vf zukommenden sommer zw Sonderburg bawen zulassen, vnnd aber zw Arnsbock, daher wir zu solicher behuoff das holtz bringen lassen, so vil holtz, das zum gebeude dienlich, nit haben mogen, noch niergent vmb die betzalung zubekommen, so bitten wir gantz muterlich vnnd freundtlich, e. l. als vnser hertzlieber sohn wolle vns ZW muterlichem gefallen vf der Segenberger heiden funftzehen eichener boem zw balcken, jder xxj el lang vnnd xiiij domen dick in die kant, vnnd im Reinefelder holtz eben so vil oder so lang vnnd dick, mans zuerlangen vnnd e. l. gefellig, zukhommen lassen vnnd vns derhalbenn hiemit befelchs brieff an den stathalter Heinrich Rantzaw mitheylen; vnnd wolle sich e. 1. hiemit freundtlich vnbeschwert erzeigen. Das begern wir
