20
vmb e. 1. muterlich zubeschuldenn, vnnd befelhen hiemit e. 1. Gotts gnedigen schutz gantz treulich. Datum Coldingen den 28ten Decemb. anno etc. 67ten. Dorothea von Gots gnaden zw Dennemarken, Norwegen, der Wenden vnnd Gotten konigin, geborne zw Sachssen etc., hertzogin zw Schleswig, Holstein, Stormarn vnnd der Ditmarschen, graffin zw Oldenburg vnd Delmenhorst, witwe. Dorothea. Original paa Papir med Udskrift til Kongen og Segl i rödt Vox (det Danske og det Saxiske Vaaben). 165. 1567, 19 Januar. Was wir in muterlichen trewen ehr, liebes vnnd gutes vermugen zuuor. Durchleuchtiger furst, freundtlicher geliebter sohnn. Eins haben wir vergessen, darumb wir e. 1. alhie personlich freundtlich ersuchen wollen, namlich nachdem wir vff vnsernn leibgedings heusern etlich gebeude notwendig verbessern vnd vndersetzen lassen mussen, so konnen wir aber zw den balcken, die darzu dienstlich, ohne furderung nit gelangen, dan dergleichen in diesen ortern gar nit zubekommen, vnnd derhalben bitten wir e. 1. muterlich vnd vleisig, dieweil e. 1. vff Gottlandt balcken einzukhommen vnd dieselbige sunst auch zum besten alda zugehaben, e. 1. die wolle vns zu mutterlichem willen mit funfftzig oder mer balcken, wie die zubekhommenn, dero ein ieder xxj ellen lang vnd 14 daumen in die kant, vff gedachtem land zu steur kommen, vnd derhalben an jren ambtman dahin vffs vleisigst schreiben ergehen lassen, vnns mit diesem vnd anderm holtz, so wir vff einem schiff holen lassen wolten, e. 1. halben zu wilfaren. So ist vnser muterliche meinung, das gegenwertiger vnser bott solichen e. 1. schrifftlichen befelch neben einem sehe paswort vns ietzo von e. 1. bringen sol, desselbigen ferrer haben zugebrauchen. E. 1. wolle sich hierin gegen vns der muter vnbeschwert sohnlich erzeigen, wie wir kein zweiffel tragen. Das wirt vns zu besondern freuden vnd anmutigkeit gereichen, vnd wollen es iederzeit in muterlichen trewen zubeschulden mer dan geflissen sein. Vnd was wir vber e. 1. bewylligung an holtz bekommen, begeren wir zubetzalen. Datum Coldingen den 19 Januarij ao 67. Dorothea vonn Gottes gnaden konigin zu Dennemarcken etc., gebornne zu Sachssen etc., hertzogin zu Schleswigk etc., wittwe. Dorothea. Original paa Papir med Udskrift til Kongen og Segl i rödt Vox (det Danske og det Saxiske Vaaben). Paa en indlagt Seddel: Auch freundtlicher geliebter sohn. E. 1. bruder h. Hans hat vns berichtet, wie s. 1. gehoret, das der konig von Schweden vnd Jorg Persen thod seyn sollen. Wa
