21
nun dem also, jst es gewislich ein sonderliche schickung Gottes, der nichts thut, er weis dan etwas gutes daraus zu machenn, der gebe ja zum lieben friden Datum vt in literis. Dorothea. 166. 1567, 12 Februar. Vnnser freundtlich grusz vnd was wir in muterlichen trewenn ehr, liebs vnnd gutts vermugen zuuor. Durchleuchtiger furst, freundtlicher lieber sohnn. E. 1. sein freundtlich eingedenck, das sie vff vnser muterlich ersuchen vor zwey jaren gewilligt, auch darauf brief gegebenn, das vnser hoff predicant herr Christophel Knopf zu Wyburg ein canonicat, Rauenstrup prebenda genandt, so Erich Krap seliger gehabt, nutzen vnd niesen mag, so lang er vns dienet. So mag nun e. 1. wissen, das gemelter vnser predicant von vnsz seinen abschiede bekhommen, vnd wolten aber gern, das wir obgedacht canonicat vor vns behalten vnd einem andern vnserm iederzeit habenden predicanten verlehen mochten. Bitten derhalbenn e. 1. freundtlich vnd muterlich, e. l. wolle vns solich canonicat vberlassenn vnd zu ehren, wie ietz gedacht, gonnen, auch darauff bey briefszeigern brief vnd bewilligung geben. Damit erzeigt e. 1. sich gegen vns den lieben sohn, daran wir auch gar nit zweifeln. Wollen hinwider gern thun, was e. l. von vns begert. Auch bitten wir, e. l. wolle vns bey zeigern jren anschlag vf die bewuste haus haltung vberschikhen. Befelhen hiemit e. 1. Gots schutz. Datum Coldingen 12 Februarij ao. 67. Dorothea von Gots gnadenn konigin zu Dennemark, Norwegen, hertzogin zw Schleszwig, Holstein etc. Dorothea. Original paa Papir med Udskrift til Kongen og Segl i rödt Vox (det Danske og det Saxiske Vaaben). 167. 1567, 4 Marts. Vnser muterliche trew zuuor. Durchleuchtiger furst, freundtlicher lieber son. Wir mogen e. 1. muterlich nit bergen, das vnsz burgermeister vnd rhat alhie zw Coldingen berichtet, wie das e. l. an sie geschriben derselben etliche boszleute, zymmerleute vnd ein balbier zu zuschicken. Nun erkhennen die arme leut sich schuldig alles dasihenig zuthun, was getrewenn vnderthonen gepurt, sein auch darzu ieder zeit willig sich nach e. 1. befelch zu haltenn, allein was dise begerte boszleute belangendt, jst jnen zum hochsten beschwerlich, das sie dieselbige nit haben oder bekhommen konnen, vnd die wenige, so alhie sein, konnen sie nit entrahten. Dan alle vitali, III B. 2 H. (1862). 3
