23
Vnd war ist, das e. 1. brudern hertzogk Johanssenn das ambt Sonderburgk sambt desselben zubehorungk mit aller hocheit vnnd gerechtigkeit vf den fal vnsers abgangs verschrieben. Achten wir dannocht, das se 1. mer rechs habe als hertzog Adolff, dessen lieb strax zu derselbenn angefangnen regierungk alle derselben kirchen, so zum Riper stifft gelegenn, zu sich gezogen, dabey sein l. auch bisher vnangefochten gepliebenn; so erzeigt sich e. 1. bruder hertzog Hans ye auch nach e. 1. bruderlichen gefallen, das vber jne nit zuklagen, vnd das demnach nit vnbillich mit s. 1. ein vnderscheid zuhaltenn. Mit den funff oder sechs last korns, so e. l. schreiben vermeldet, die wir vf Arr genieszen, wissen wir wol, das solch korn in die einandtwortungk nit geschlossenn, vnd hat die meinung damit, wie e. l. selbst weist, das dasselbige zum kloster zu Odensee gehort, vnd das wir es vmb den pfandschilling, so herr Johan Reuentlaw lange zeit gehabt, mit e. 1. bewilligung zu vns gelost, anderst ziehen wir vns deszfals keine gerechtigkeitt zu. Dis woltenn wir e. 1. dem geliebten sohne hinwider nit bergenn, vnd bitten nochmals freundtlich vnser verordnung des probsts halben keinem andern dan Christlich vnd zum besten von vns gemeint zusein zuuersteen vnd sich (durch) böse leut wider vns nit verführen, sondern es in aller sohnlicher zuuorsicht gegen vns pleiben lassenn, dan wir thun ieder zeitt nach vnserm vermugen, was ein getrewe muter thun sol. Vnd befelhen hiemit e. 1. dem allmechtigen Gott zu glucklicher regierungk, rwe vnd fridenn vnnd sunst zu aller Christlichen wolfartt als vnsern geliebten sohne. Datum Arnsbock den sontags palmarum anno etc. 67. Dorothea. Dorothea von Gotts gnaden zu Dennemark, Norwegen, der Wenden vnd Gotten konigin, geborne zu Sachssen etc., hertzogin zw Schleswig, Holstein, Stormarn vnd der Ditmarschen, graffin zu Oldenburg vnnd Delmenhorst, wittwe. Original paa Papir med Udskrift til Kongen og Spor af Segl i rödt Vox. 169. 1567, 5 Maj. Was wir in muterlichen trewen ehr, liebs vnnd guts vermugen zuuor. Durchleuchtiger furst, freundtlicher liebster sohn. Vnsere arme burger alhie zw Coldingen gehn vns dermassen zugemut, das wir sie bey e. 1. zuuerbitten nicht vmbgehn konnen, dan e. l. verordneter her Jorg Luck wil jrer widerumb ein antzal in krieg habenn. Nun hat es in warheit ein geringe burgerschaft alhie, etlich sein verstorben vnnd vmbkhommen, vnnd die noch vbrig, sein mehrertheils mit weib vnd vielen kindern in grosser armut. Zw dem, weil wir furnemblich vnser hoffhaltung alhie haben, wir der burger zu handwercken vnd anderer taglicher vorfallender behueff nicht zuentrathenn, so bitten 3*
