27
abzuwenden, was an leib vnnd seel schedlich, gantz treulich. Datum Coldingen den 3ten Junij anno 67ten. Dorothea. Dorothea von Gotts gnaden zw Dennemarck, Norwegen etc. konigin, geborn zw Sachssen etc., hertzogin zw Schleswig, Holstein etc., witwe. Original paa Papir med Udskrift til Kongen og Segl i rödt Vox (det Danske og det Saxiske Vaaben). 173. 1567, 23 Juni. Dorothea von Gots gnaden zw Dennemarck, Norwegen, der Wenden vnd Gotten konigin, geborne zu Sachssen etc., hertzogin zw Schleswig, Holstein etc., witwe. Was wir in ehrn liebs vnnd guts vermugen zuuor. Hochgeborner furst, freundtlicher lieber bruder. Wir haben gern gehort, das e. 1. Marinen Tomassen wieder jren bruder Knut Heinricksen zu recht verholffen, daruor sich die fraw zum vnderthenigsten bedanckt. Es thut aber gedachte Marin zum vleisigsten bitten sie an e. l. zuuerschreiben, vff das jr noch weiter wider jren bruder rechts widerfahrn moge. Dan weil er des todtschlags halben durch die sandleut lang verschienen zur manbuss erkandt, het Knudt Heinrichsen geburt soliche manbuss strax hernach in geringer zeit zuerlegen, aber es sey vom jm verachtlich nach geplieben, vnd derhalben wer er nach Denischem rechten in die hochste verwirckung gefallen. Wan dan, freundtlicher lieber bruder, dise sach vnder e. 1. gerichts zwang jm anfang gerechtfertigt, sehen wir zum liebstenn, was diesem armen weib in dem gesuchten, namlich betreffendt die manbuss, weil dieselbige nach Denischem rechten zu geburlicher zeit nit erlegt, wieder jren bruder zugerechter befurderung zugedeyen, es e. 1. follent ausprechen lassen wolte vnd also dise sach zu recht geendigt hetten, darumb wir auch hiemit freundtlich wollen gebeten haben. So sol, souiel an vns, an bester execution vnd voltziehung nit mangel sein, dan der zugesprochner zwey hundert taler sol der clegerin, so viel wir konnen, auch gute forderung erzeiget werden, damit jr dasihenig widerfahr, so recht ist. E. 1. wolle jr dieses armes weib zu gnaden in jrem rechten lasszen befolhen sein. Das begern wir in ehrn schwesterlich zubeschulden. Datum Coldingen 23 Junij anno etc. 67ten. Dorothea. Original paa Papir med Udskrift til Hertug Hans den Ældre og Segl i rödt Vox (det Danske og det Productum Saxiske Vaaben), bagpaa mærket: Der konigin zu Colding schreiben Marin Tamsen betreffendt. Hanszburg den 28 Junij ao. etc. 67. 174. 1567, 3 August. Was wir in muterlichen trewen ehr, liebs vnd guts vermugen zuuor. Durchleuchtiger furst, freuntlicher lieber sohn. Wir haben e. l. schreiben bey diesem jrem
