78
Nec quicquam uel ad tranquillandos hominum animos uel ad terrorem hostibus incutiendum tam fuit efficax, quam ut, qui uirtute regna subegit sua, idem ille a consensu quodam subditorum regnandi sumeret initium, ne si diuersum a more maiorum Prosuorum fecisset aliquid, liberi imperij forma in tyrannidem conuersa uideretur. inde coronationis suæ festum ad diem duodecimum mensis Augusti ¹..... Id studium regiæ maiestatis uestræ ut tantum, quantum est, uideretur etiam, Scotorum rex Iacobus effecit. Nam paucis diebus ante dominj Georgij Lucken aduentum nouissimum per Ioannem Bartuen oratorem suum eadem illa apud regem meum de acceptanda uestræ maiestatis amicitia sollicitauit, quæ dominus Georgius Lucke et priore et posteriore legatione ad nos pertulit. In uno hoc uariauit dominus Georgius Lucke ab ijs, quæ scripto prius et uerbis prodidit... Estque hæc legationis huius pars prima. Altera regem meum attingit solum, et ut intelligatur rectius, cogor superiorum temporum acta quædam repetere. Nimirum scit satis regia maiestas uestra, quod Danicis bellis etiam inferiores Germanj admiscuerint se. Id quam non solum nulla de caussa, sed et contra datas et signatas literas fecerint, postea expediam; in præsentia suffecerit dixisse, quod regem meum tam grauiter presserint, ut eum etiam ad acceptandas cum illis triennij indutias impulerint, posteaquam illis conatus contra nos susceptus non succeptus 3. Quod fieri potest ut in aliam partem interprætetur 4.. Quod ut latius pateat, compertum habere maiestatem uestram uult rex meus: Quo tempore Danorum rex Fridericus diem obijt suum, et consiliarij tardius, quam facere debebant, de eligendo rege statuerunt, uerebatur rex meus, ne ipse cum im- Propuberibus fratribus suis in periculum amittendorum illorum regnorum incideret. inde obuiam ire bellis, quæ postea exoriebantur, constituit et quidem, ubi plurimum imminere discriminis uidebatur, ibi primum cauit. Nimirum cum inferioribus Germanis ob pulsum e Dania regem Cristiernum patrj suo nuncquam satis conuenerat. discordiam pacifiatione quadam e medio tollere adnixus est, nec eum conatus fefellit. Facta transactaque omnia, quæ ad Cristiernum et ad Cristierni liberos pertinebant. Literæ scriptæ et sigillo cæsaris signatæ manuque subscriptæ adhuc extant, quæ satis testantur, quid quomodo sit actum. Eius uero pacti gratia, quod cum inferioribus Germanis 5 Eam 1 Sequentia de verbo fere ad verbum, mutatis modo mutandis, ex instructione (nr. 108) repetita sunt vsque ad uocabula, quæ sunt: „,ex nostris aliquot in Gallias ablegemus" (pag. 70). 2 Sequentia similiter ex eadem instructione desumpta sunt vsque ad vocabula, quæ sunt:,,ut promissum fuit, adueniant" (pagg. 70-71). 3 Lapsus calami pro successit? 4 Inseruntur ex eadem instructione sequentia 5 Sequitur, vsque ad vocabula quæ sunt: „quod male admodum nobiscum est actum" (pagg. 71-73). mutatis mutandis, reliqua pars instructionis, vsque ad vocabula, quæ sunt: „uteretur, cum nos ut ab amico quicquam exigeremus" (pagg. 73-76).
