93
vestra, cui prospera omnia bene precamur. Ex regia nostra prope Londinum die xiij Martij m. d. xxxvij. Vester frater et amicus Henry R. Petrus Vannes. Præscriptio: Serenissimo principi domino Christiano Dei gratia Daciæ, Norwegiæ, Slauorum Gotthorumque regi, duci Holsatiæ, in Holdenburgh et Delmenhorst etc., fratri et amico nostro carissimo. Ex archetypo chartaceo, cui adest sigillum cera rubra impressum. 115. a. 1538, 17 Martii. Procuratorium plænariæ potestatis datum Petro Suauenio ad tractandum in caussa Husemensi. Nos Christianus Dei gratia Danorum, Noruagicorum, Gothorum et Vandalorum rex, Slesuici, Holsatie ac Stormarie dux, comes in Oldenborch et Delmenhorst, notum facimus uniuersis et singulis has literas uisuris, lecturis et audituris, cuiuscumque tandem status ac dignitatis fuerint, quod coram nobis comparuerint subditi nostri ex oppido Husem Hermannus Hoyer, Petrus Prutze et Thomas Greuenstein cum Nicolao Frisio, eorum procuratore legitime constituto, adeoque nobis exposuerint, quod in causa spolij marini, quam contra Fecamenses quosdam et locum tenentem domini admiraldi Iacobum Quinquernon iam per multos annos persequuntur, magnas et graues impensas fecerint ac sollicitatione diligenti Nicolai Frisij eo peruenerint, ut iam nihil aliud restet, quam ut definiatur, an Iacobus Quinquernon, qui fraude sua conuictos et constrictos illius pyraticæ reos Fecamenses iuditio subtraxerit per iniquam et postea damnatam interloquutoriam sententiam, ut ex actis uidere est, ad restitutionem tam accepti damni quam etiam factarum impensarum teneatur, siquidem liberando contra ius et phas noxios noxium se fecit, adeoque culpam alienam in se transtulit. Que causa cum nec dubij nec incerti iuris sit, cognitioni etiam consiliariorum Cristianissimi regis subiecta, unde prouocare facile non est, petierunt a nobis subditi nostri, ut eis liceret fauore nostro Nicolao Frijsio, iam parum firma ualetudine per tempus utenti, consiliarium nostrum Petrum Suauenium, ut quem nos in nostris negotijs mittere in Gallias decreuimus, substituere cum plenaria potestate definitiuam sententiam audiendi et illorum nomine fatiendi, quod in rem fore uidebitur, id quod nos ut subditis et obnixe petentibus facile permisimus; atque adeo in testimonium rei sic gestæ et factæ acceptateque substitutionis has litteras nostras sigillo nostro signauimus et propria manu 12*
