109
beschwerlichen angenomen, die auch vff den xxten dyses monatz zw Villefrancke vffgebrochen, ways aber nymants wohin. Seindt wol etzliche schyffe vff Spannien zugetzogen, aber keine gallee gesehen worden; man wyrdt aber yn kurtzem horen, wo yre mat. hin aus ysth. Es wyrdt auch koe mat. yn kurtzen gen Marsilien khomen, die dan yn allen sachen gutwyllig. Vnnd was ich auch guts darjnnen kan thuen, wyll ich alletzeit wyllig sein, vnd findt mich hiermith nach ewrem wyllen vnnd geuallen. Datum zw sanct Lorentz des xxjten Junij anno xxxviij. W. g. z. Furstenbergk. Den gestrengen vnnd erentvhesten kor mat. vss Denmargk, churff. g. Sachssen vnd Hessen rethen vnnd gesandten meinen lieben vnd guten freunden. Disse tre Stykker (a-c) ere her meddelte efter en Afskrift af Peder Svave, skreven paa eet Ark Papir. d. Myen fruntlychen grus syegen vch beuor. Lyeben vnd guten frund, vwer schryeben hab ich gesehen, vnd wye wol ich mych sollychs inhalts vwers schryebens gantz nytt fersych, dan ir kh. mt. myen herren hoch an vwer werbung gelegen vnd beyden partten, so schryeb ich doch dem herren conetstable mytt dyssem myenem dynner, was ir vch in dysser sach besorgen mochten, das er gnugsam zuuersten hatt; vnd darmytt Gott dem herren alle sachen befelhen. Wyetter so wyll ich vch nytt bergen, das ich vff Lyon zuzauch etlycher hapttlautt halber, so in ayner zymlychen zall myen alda wartten. Dan kh. mt. wurdtt von Egemortt iellends gon Lyon zyehen; achtt woll ich werd vch bald sehen, vnd fyndet mych hyemytt nach vwern wyllen. Furstenberg. Ich send vch hyeryn ferwartt zu in gehaym, was myr her Felcker von Knoryngen schryebtt; bytt ich myr sollychen bryeff wyder schykenn. Ich wyll vch mytt gantsem flyes beholffen syen, vnd wan es als hynder sych gyng, so wurd ich, wyls Gott, den weg gen, wye mych gehortt. Conetstable schryebt myr zu, wey er vch berychtt, das all kunyg vnd stend im ryech auch buntsferwantten in dysem anstand begryffen. Udskrift: Meinen lieben vnnd guten freunden kon matt. zu Denmarcken, churvnnd furstlichen gnaden Sachsen vnnd Hessen rhäten vnnd gesanten zu handen. Paa en indlagt Seddel: Ich fersych mych, der conetstable hab vch angezaygt, wye kh. mt. aus Denmarck yn dysen anstand begryffen syeg, als er myr dysen abend geschryben. Egenhændig Original med Segl i rödt Vox. 14*
