175
uicissim, quæ poterimus, et uolemus et fatiemus omnia. Valete. Ex arce nostra Ellebagen uigesima die Augusti anno m° do xli°. e. Christianvs Dei gratia Danorum, Noruagicorum, Gothorum et Vandalorum rex, Slesuici, Holsatiæ, Stormariæ ac Dytmersiæ dux, comes in Oldenborch et Delmenhorst, eadem illa gratia reuerendissimo patri domino Ioanni Bellayo, cardinali et episcopo Parrhisino, amico syncere dilecto, foelicitatem imprecatur. Reuerendissime pater, amice dilecte. Vsus est in procuratione negotiorum suorum amicitia paternitatis uestræ foelicis recordationis pater noster Danorum rex Fridericus et sæpe et utiliter, quemadmodum a Petro Suauenio harum literarum redditore intelligimus. Propterea nos, ut qui defuncti patris locum obtinemus, uestro merito uobis gratias agimus, adeoque persuasissimum habere cupimus uos, si fieri posset aliquo modo, ut uicissim uobis obsecundare queamus, quod hoc libenter facere uelimus. In præsentia sic se dant res, quod ad postulationem Christianissimi regis consiliarios nostros, uiros et strennuos et nobiles, in Gallias ablegauimus cum mandatis et negotijs, in quibus Christianissimo regi non minus quam et nobis permultum est situm. Eosipsos paterno more uobis commendamus, et rogamus, ut adiutorio sitis illis, quod attinet ad hoc, ut quamprimum audiantur et ut acceleratum ac bonum negotiorum suorum euentum consequantur. Nos uestra caussa uicissim, quæ poterimus, et uolemus et fatiemus omnia. Valete. Ex arce nostra Ellebagen uigesima die Augusti anno m° do xli. E chartis primæ scriptionis Petri Suauenii. 153. Litteræ Francisci I legatis Danicis ad Christianum III datæ. 1541, 30 Nouembris. Franciscvs, Dei gratia Francorum rex etc., serenissimo et potentissimo principi Christiano, eadem gratia Danorum Noruagicorum Gothorum et Uandalorum regi, Steuici Holsatre Stormarie ac Dietmersie duci, in Oldemborg et Delmenhorst comitj, fratri et amico charissimo, foelicitatem imprecatur cum continuo rerum gerendarum successu coniunctam. Serenissime et potentissime princeps, frater et charissime amice. Nos serenitatis uestre litteras accepimus per consiliarios uestros dominum Eschillum Bilden equitem auratum, dominos Petrum Suauenium et Ericum Kraben, atque ea, quæ nobis exposuerunt, lubentissime audiuimus, et cum his pacti sumus ligam deffensiuam ijs pactis et conditionibus, quæ jllic inseruntur. Quam rem uestre serenitati gratam et utrique nostrum commodam et utilem fore speramus. Quod faxit jngens omnium
