192
infra insertus, per præsentes conuenimus, concordamus et concludimus articulatim prout sequitur. Imprimis conuentum et conclusum est, reges prædictos mutua, pari ac fraterna amicitia et beneuolentia sese inuicem prosequi uelle ac debere et etiam fraterno nomine appellare, alterum alterius commoda curare, detrimenta propellere, et si qua uis in alterutrum ingruat per maiores aut æquales¹, prompto et parato auxilio, consolatione et consilio pro uiribus utrumque utrique suppetias ferre aduersus quoscumque sine ulla exceptione, modo ne de imminuenda sacri imperij maiestate agatur, quam semper in omnj negotio eorum uterque exceptam et conseruatam cupit ³. Item polliciti sunt prædicti ambassiatores Daniæ et Noruegiæ regis eiusdem serenissimj nomine, si quo pacto regi Christianissimo cum hostibus et aduersarijs quibuslibet bellum apertum gerere et exercere contingat, ipsum serenissimum totis uiribus operam daturum idque præstaturum, ne regis Christianissimj aduersarijs et hostibus maris sui angustiæ, quas Sundt uocant, ullo modo pateant, neue eisdem aduersarijs illac mercium, commeatuum cæterarumque rerum exportandarum aut importandarumue gratia aliaue de caussa transire liceat, ut tandem aliquando ui et malo coacti ad pacem flagitandam compelli possint. Præterea eiusdem serenissimj nomine prædicti ambassiatores polliciti sunt eundem serenissimum suo nomine collecturum, sumptu tamen et regis Christianissimj stipendio, exercitum e milite Germanico conflatum et nauibus ad regem Christianissimum transportaturum eiusdem Christianissimj impendijs, si ita usu uenerit præmonitusque a rege Christianissimo fuerit. Pollicentur etiam belli temporibus eundem serenissimum sex naues ad bellum instructas, quarum nulla minor sit centum lastarum, ut uocant, in Gallias transmissurum, quocumque regi Christianissimo commodum fuerit, cum mille peditibus præter sotios nauales et mari ijsdem nauibus eidem Christianissimo inseruiturum tres menses perpetuos suo serenissimj sumptu, stipendio et impendijs, sumpto trium mensium initio ab eo die, quo primum eiusdem serenissimj naues ad littora Galliarum appulerint, ijsque sex nauibus in ijsque peditibus et sotijs naualibus summa fide totoque conatu hostibus et aduersarijs regis Christianissimj incommoda laturum omniaque facturum, quæ regi Christianissimo grata esse possint. Quod si Christianissimus eorum peditum opera, qui in sex nauibus erunt, terra uti uolet, id ei per regem serenissimum facere liceat, Christianissimj tamen sumptu et stipendio eodem, quo cæteros Germanicos alere et tollerare solet; regem quoque Daniæ serenissimum in casu simili, si regis Christi- 2 Ex totis uiribus. 1 Adde: aut inferiores. 3 Pro,,modo ne de imminuenda cupit": reseruatis tantum utriusque partis amicis, qui infra nominatim exprimentur. 4 Pro,,totis uiribus": pro uirili parte.
