213
puissant prince, nostre trescher et tresame frere cousin et allye, vous tenir en sa tressaincte et digne garde. Escript a Fontainebleau le ixme jour de januier lan mvcxli. Vostre bon frere cousyn et allye Francoys. Efter en Afskrift i Geheimearchivets haandskrevne Diplomatarium. Bayard. 162. Mandata Johannis Fraxinei et responsum Christiani III, una cum litteris Petri Suauenii, ad Fraxineum datis. a. Summa mandatorum hæc est: Primo ut Christianissimj regis verbis et nomine salutem serenissimo regj quam possem officiosissime dicerem. 2. Visum esse regi Christianissimo huc me mittere, intellectis ijs, quæ per Franciscum Brochenhuse ad eum perlata sunt, ut regj serenissimo pro constantj et perpetua erga principem meum voluntate gratias verbis quam possem amplissimis agerem. 3. Regem Christianissimum constituisse plane que obfirmato esse animo nullum neque foedus neque amicitiam cum Carolo cæsare aut ipsius fratre Ferdinando jnire, ipsum que consulere, hortarj et rogare regem serenissimum, ut idem faciat, sperans ea ratione futurum, ut ad iustiores pacis conditiones ipse cæsar sit deuenturus. 4. Cæsarem induciarum tempore legatos principis mej intercepisse alijs que multis iniustis vsurpationibus inita inter eos pacta infregisse. Propterea regem Christianissimum statuisse proximo vere arma in manus sumere suum que ius in ijs, quæ iniuste a cæsare tenentur, bello persequj. Sic autem ipse se ad hoc bellum comparauit, ut tantam pecuniam habeat, quanta sufficit (sine noua aliqua exactione qua plebs prematur) alendo exercituj centum millium peditum, quattuor millium cataphractorum equitum et mille et ducentorum leuis armaturæ, in quibus non comprehenduntur ij, quj secundum regnj nostrj morem suis stipendijs ad bellum euocantur, quj etiam ad centum millia hominum assurgunt. 5. Cuius rej ipse princeps certiorem facere voluit regem hunc serenissimum tanquam fratrem et amicum charissimum, ut in eam occasionem intentus sua, si quæ per vim possidentur, recuperet, aut hostem suum eousque debilitarj adiuuet, ut negotium sine causa cuiquam postea non facessat. 6. Clades quæ fuerit, Algheræ quam accepit jmperator. 7. Si milites hic sint, quj commode in Britaniam transportarj possint. 8. Si ratio inirj aliqua potest, ut cuprum ex Suedia in Galliam vel ipsam Britaniam nauibus comportetur. E charta coæua. 27*
