301
cathedralibus, et beneficijs ecclesiasticis per eum personis benemeritis, presertim sancte Romane ecclesie cardinalibus, quos in partem solicitudinis euocauit altissimus, facte, quibusuis impedimentis semotis, debitum consequantur effectum et illas impedientium nepharij conatus taliter compescantur, quod ab huiusmodi impedimentis, sinon uirtutis amore, saltem formidine pene abstineant, et alij talium exemplo perterriti similia committere non presumant. Dudum siquidem, bone memorie Henrico episcopo Lincopensi regimini ecclesie Lincopensis presidente, nos cupientes, eidem ecclesie Lincopensi, cum uacaret, per apostolice sedis prouidentiam utilem et idoneam presidere personam, prouisionem ipsius ecclesie Lincopensis ordinationi et dispositioni nostre duximus ea uice specialiter reseruandam, decernentes ex tunc irritum et inane, si secus super hijs a quoquam quauis auctoritate scienter uel ignoranter contingeret attemptari. Et deinde, ecclesia ipsa Lincopensi per obitum eiusdem Henrici episcopi, qui extra Romanam curiam debitum nature persoluit, pastoris solatio destituta, nos dilectum filium nostrum Jacobum titulo sancti Clementis presbiterum cardinalem, quo ad uiueret, administratorem in spiritualibus et temporalibus dicte ecclesie Lincopensis de fratrum nostrorum consilio auctoritate apostolica constituimus et deputauimus, curam et administrationem ipsius ecclesie Lincopensis sibi in spiritualibus et temporalibus plenarie committendo, prout in nostris inde confectis litteris plenius continetur. Cum autem, sicut non sine animi nostri displicentia accepimus, dilectus filius Henningus Gad, qui se gerit pro clerico, in dicte ccclesie Lincopensis regimine et administratione, post et contra reseruationem et decretum predicta, etiam forsan pretextu electionis de persona sua in episcopum Lincopensem per dilectos filios capitulum eiusdem ecclesie Lincopensis, quamuis de facto, ausu temerario et de facto, cum de iure non potuit, reseruatione et decreto obsistentibus supradictis, se intruserit, faciendo, quominus constitutio et deputatio predicte, per nos dicto Jacobo cardinali, ut prefertur, facte, suum debitum sortiantur effectum et ipse Jacobus cardinalis possessionem uel quasi regiminis et administrationis ecclesie Lincopensis predictorum ac illius bonorum assequi possit, ac etiam nonnulli nobiles regni Swetie eidem Henningo circa huiusmodi intrusionem auxilium et fauorem prestant, in animarum suarum periculum dictique Jacobi cardinalis preiudicium et sedis apostolice contemptum, perniciosum quoque exemplum et scandalum plurimorum: Nos igitur, ad quos pertinet sedis predicte honorem et auctoritatem ac ius suum unicuique aduersus temerariorum ausus illesum preseruare, non ualentes premissa per Henningum et Stenonum ac Suantonium ac alios circa huiusmodi intrusionem gesta seu potius attemptata, ut pote mali et perniciosi exempli, conniuentibus oculis pertransire, sed uolentes eidem Jacobo cardinali eo in premissis remedio subuenire, per quod constitutio et deputatio predicte, pro ut conuenit, suum consequantur effectum ac predictorum temerarij ausus debita castigatione compescantur et reliquis talia perpetrandi aditus precludatur, iusticia et 38*
