303
alios quatuor dies inmediate sequentes animo indurato prestiterit, eum suspendimus a Diuinis. Siuero salutis sue inmemor et censurarum huiusmodi contemptor sub huiusmodi suspensione per reliquos octo dies dictos quatuor dies immediate sequentes perseuerare non formidauerit, tam eum, si pontificali dignitate preditum, huiusmodi octo, quam sex diebus predictis elapsis Henningum et alios intrusos et intrudendos necnon singulares personas capituli et populi, vassallos, arrendatores, feudatarios, censuarios, colonos et laboratores necnon singulos circa huiusmodi intrusionem auxilium, consilium uel fauorem prestantes predictos huic nostre monicioni et mandato, prout ad eos et eorum singulos respectiue pertinuerit, non parentes et obedientes, excommunicationis sententia, quam in hijs scriptis proferimus, exnunc pro ut extunc et ex eadem die auctoritate predicta innodamus, ac singula loca, ad que ipsos sic excommunicatos declinare contigerit et in quibus scienter stare permissi fuerint, ecclestiastico interdicto subijcimus, decernentes huiusmodi interdictum, quandiu ipsi excommunicati inibi steterint et per triduum post eorum inde recessum, firmiter obseruandum fore, ac ipsos sic interdictos suspensos et excommunicatos ac eorum quemlibet interdicti et suspensionis relaxationem necnon ab excommunicationis sententia huiusmodi absolutionem ab alio quam a Romano pontifice preter quam in mortis articulo constitutos et satisfactione preuia obtinere non posse. Et nihilominus si aliqui ex predictis, inferiores ab episcopis, excommunicationis sententiam per decem dies, predictos sex immediate sequentes, animo indurato sustinere non formidauerint, eosdem sic inferiores ab episcopis, lapsis dictis decem diebus, omnibus et singulis beneficijs ecclesiasticis, cum cura et sine cura, secularibus et ordinum quorumcunque regularibus, que in titulum uel commendam, ac etiam, si seculares fuerint, feudis et iuribus, que a Romana seu predicta Lincopensi ecclesia obtinent uel recognoscunt, eadem auctoritate priuamus ac ad singula beneficia, feuda et iura imposterum obtinenda perpetuo inhabilitamus priuatosque et inhabiles esse, huiusmodique beneficia tanquam uacantia a nobis uel sede predicta impetrari posse, libere etiam decernimus et declaramus. Quocirca venerabilibus fratribus nostris archiepiscopo Ragusino et Lubicensi ac Rosckildensi episcopis per apostolica scripta motu simili mandamus, quatinus ipsi uel duo aut vnus eorum per se uel alium seu alios Henningum et alios intrusos et intrudendos ac omnes et singulos alios predictos, monitioni et mandatis nostris predictis non parentes et obedientes et in premissis culpabiles, quos excommunicationis, interdicti, suspensionis, priuationis et inhabilitatis penas predictas propter huiusmodi inobedientiam incurrere contigerit, ex nunc pro ut extunc et extunc pro ut ex nunc interdictos suspensos excommunicatos priuatos inhabiles, et loca, ad que eos declinare contigerit, ecclesiastico interdicto supposita tandiu, publice etiam, candelis accensis et postmodum extinctis et in terram proiectis, cum trina lapidum proiectione, nuncient et faciant ab alijs nunciari, donec ipsi sic interdicti, suspensi, excommunicati et priuati interdicti et suspensionis relaxationem ac ab huiusmodi
