304
excommunicationis sententia absolutionis beneficium necnon rehabilitationis gratiam, satisfactione preuia, meruerint obtinere. Et nihilominus, legitimis seruatis processibus, censuras ipsas iteratis uicibus, pro ut expedire cognouerint, aggrauare procurent, contradictores per censuram ecclesiasticam, appellatione postposita, compescendo, inuocato ad hoc etiam, si opus fuerit, auxilio brachij secularis. Non obstantibus felicis recordationis Bonifatij pape viij, predecessoris nostri, quibus inter alia cauetur, ne aliquis extra suam ciuitatem et diocesim nisi in certis exceptis casibus et in illis ultra vnam dietam a fine sue diocesis ad iuditium euocetur, seu ne iudices et conseruatores, a sede predicta deputati, extra ciuitatem et diocesim, in quibus deputati fuerint, contra quoscunque procedere aut alij uel alijs committere presumant, et de duabus dietis in concilio generali edita et alijs apostolicis constitutionibus et dicte ecclesie Lincopensis, iuramento, confirmatione apostolica uel quauis firmitate alia roboratis statutis et consuetudinibus contrarijs quibuscunque; aut si Henningo, intrusis et intrudendis ac alijs predictis uel quibusuis alijs communiter uel diuisim ab eadem sit sede indultum, quod interdici, suspendi uel excommunicari aut extra uel ultra certa loca ad iudicium euocari non possint per litteras apostolicas, non facientes plenam et expressam ac de uerbo ad uerbum de indulto huiusmodi mentionem, et quibuslibet alijs priuilegijs, indulgentijs et litteris apostolicis, ipsis Henningo et intrusis et intrudendis ac alijs predictis concessis, que quo ad hoc nolumus aliquatinus suffragari, ceterisque contrarijs quibuscunque. Volumus autem, quod postquam presentes littere uel earum transsumptum, manu alicuius notarij publici subscriptum et sigillo alicuius prelati ecclesiastici munitum, cui sicut ipsis originalibus litteris fidem plenariam adhibere uolumus et decernimus, in valuis dicte ecclesie Lincopensis, si ad illam tutus pateat accessus, alioquin in locis circum uicinis, de quibus sit uerisimilis coniectura, quod ad ipsorum intrusorum et aliorum predictorum noticiam ualeant peruenire, affixe fuerint, post biduum post ipsam affixionem per inde ipsos monitos et eorum singulos, eciam pro citationibus de eis postmodum etiam per edi(c)tum publicum faciendis, arctent, ac si ipse presentes littere uel earum transumptum predictum eis personaliter et presentialiter insinuarentur et intimarentur. Nulli ergo omnino hominum liceat hanc paginam nostre monitionis, requisitionis, precepti, mandati, interdicti, suspensionis, prolationis, innodationis, constitutionis, priuationis, inhabilitationis, decreti et uoluntatis infringere uel ei ausu temerario contraire. Siquis autem hoc attemptare presumpserit, indignationem omnipotentis Dei ac beatorum Petri et Pauli apostolorum eius se nouerit incursurum. Datum Rome apud Sanctumpetrum anno incarnationis dominice millesimoquingentesimoprimo kalendis Februarii, pontificatus nostri anno decimo. Ceterum ut earundem litterarum tenor sic insertus omnimodam rei seu facti certitudinem faciat, apostolica auctoritate decernimus, ut illud idem robur eamque uim eundemque uigorem dictus tenor per omnia habeat, quem haberent originales littere
