327
reuerendissimj in Christo patris et domini, domini Jacobi, miseratione Diuina tituli sancti Clementis sancte Romane ecclesie presbiteri cardinalis et dicte ecclesie Lincopensis perpetui administratoris, principalis in eisdem litteris apostolicis principaliter nominati, coram notario publico et testibus jnfrascriptis presentatas, nos cum ea qua decuit reuerentia noueritis recepisse, quarumquidem litterarum apostolicarum tenor de verbo ad verbum sequitur et est talis. Sequitur bulla Julii papæ, 1506 20 Augusti data, supra sub nr. 24 typis expressa. Post quarumquidem litterarum apostolicarum presentationem et receptionem, nobis et per nos vt premittitur factas, fuimus pro parte eiusdem reuerendissimj dominj cardinalis principalis debita cum jnstantia requisiti, quatenus ad executionem dictarum litterarum apostolicarum et contentorum in ipsis procedere curaremus, iuxta traditam seu directam per eas ab eadem sede nobis formam. Nos igitur Julianus archiepiscopus, judex et executor prefatus, attendentes requisitionem huiusmodi fore iustam et consonam rationj, volentesque mandatum apostolicum nobis in hac parte directum reuerenter exequi, ut tenemur, jdcirco auctoritate apostolica, nobis commissa et qua fungimur in hac parte, prefatas litteras apostolicas huncque nostrum processum ac omnia et singula in eis contenta vobis omnibus et singulis supradictis, quibus presens noster processus dirigitur, jntimamus jnsinuamus et notificamus ac ad vestram et cuiuslibet vestrum noticiam deducimus et deducj volumus per presentes, vosque nichilominus et vestrum quemlibet jnsolidum auctoritate predicta tenore presentium requirimus et monemus primo secundo tertio et peremptorie, communiter et diuisim, vobisque et vestrum cuilibet jn virtute sancte obedientie et sub jnfrascriptis sententiarum penis districte precipiendo mandamus, quatenus jnfra sex dierum spatium post presentationem seu notificationem presentium ac requisitionem pro parte dicti reuerendissimj dominj cardinalis principalis vobis uel alteri vestrum factis jnmediate sequentium, quorum sex dierum duos pro primo, duos pro secundo et reliquos duos dies vobis omnibus et singulis supradictis pro tertio et peremptorio termino ac monitione canonica assignamus, quemcunque pontificali dignitate preditum, Henningum et alios intrusos et jntrudendos necnon singulares personas capituli et populi, vassallos, arrendatores, feudatarios, censuarios, colonos et laboratores, necnon singulos circa huiusmodi intrusionem auxilium, consilium vel fauorem prestantes, monitionj et mandato prefati dominj nostri pape, ymouerius felicis recordationis Alexandrj pape sexti et eius sedis apostolice, non parentes et inobedientes et jn premissis culpabiles, quos excommunicationis et jnterdicti, suspensionis, priuationis et inhabilitatis penas, de quibus jn eisdem litteris apostolicis fit mentio, propter eorum inobedientiam in eisdem litteris contentam incurrere contigerit, exnunc prout extunc et extunc prout exnunc interdictos, suspensos, excommunicatos, priuatos, inhabiles necnon loca, ad que eos declinare contigerit, ecclesiastico interdicto supposita tamdiu, publice etiam candelis accensis et postmodum
