376
an de karckdoren geslagen scholden wesen. Wodoch wij dar van nene wisze redelyke worde kregen, dar wij vns fullenkamen na konden richten, ock nenen louen dar to setten nach sodaneme ewygen, stede, lefflyke vorbyndinge vnde degedynge, als tuschen den ryken gemaket, bebreuet vnde beszegelt isz, doch vppe dat wij dar inne, wat jn der warheyt were, forvaren wolden, vnde [ock v]mme dat wij narghende auerhorich, men to allen scheden auerbodige [to rech]te, als wij alle tyt to forende geweszen hebben, wesen wolden, sende [de ergnante her] Sten Sture etlyke sendebaden myt weddersprekynge vnde appellacieñ nach [Romisch]er hilgen kercken jegen den ergnanten richtere, welck ene yewelick [wol vormer]cken kan, dat he in der saken vordacht isz vnde in den landen beseten, effte sodane vulmechtige procuratores na eskynge der saken nenen recht besoken konen, vmme welker saken wyllen, als wij ock wol marck . . . . . he besunderen myt sodaner sproke vorworuen wasz, als vor [vnszem h]illigen vadere deme pawesze vnrechtlyken vorgebrocht wort in sodaner wysze, dat nen s[endebade] myt der eskynge hir jnt ryke fredelich kome[n konjde, sick ane vare, welck wij vns behopen noch nicht geschen isz, als wol bewislich isz myt jw suluest. Konen wij ock wol marcken, nach deme dat sodane richter so lange dar na gegeuen wasz, dat de vorberorde eskynge myt eneme vordechten vpsate jn den steden vpgeslagen wort vp sodane tyt, dat dat mynste ruchte hir int lant qweme vnde wij sunder grote lyues vare nenen sendebaden vppe stede vnde tyt to antwardende na lude der citacien vthsenden konden, desgelyken dat se to Mersborg na lude der cytacien beyegeden, vnde do de tyt der eskynge vorleden wasz, wort de vorbenomede her Sten swerlyken gebannen, als dat ruchte geyt, van eneme anderen bisschoppe, de bisschop isz to Raszeborg, vnrechtuardigen jegen alle rechte, langk na heren Stens appellacien vnde wedderropynge, de rechtlyken vorkundiget vnde vpgeslagen wort to Mersborg, dar hen he citeret effte geeschet was. Worvmme hebbe jck Sten Sture vor dat ryke Sweden vnde vore my protesteret vnde vorwordet den groten hoen vnde hommot, in deme vnrechuerdigen banne deme ryke vnde my bewiszet isz, dat to rechten steden vnde beqwemelyker tyt myt rechte toforuolgende, den ewigen frede vnde bebyndynge in allermathe vp vnser wegen vnuorbraken. Wat furdermehre mercklicke vnde schelyke wedderseggynge jeghen de vorbenomede vorwarninge vnses hilgen vaders des pawes breffe des richters vnde syns processz, desgelyken jegen de hochgebornne furstynne, de sodane breue vnde richtere vorworuen hefft, gevunden warden, kummet wol vortan myt der hulpe Gades, wen des behoff don mach, to bewisinge. Leuen heren vnde guden frunde, nach deme sodane vorlop, so vorscreuen steyt, duncket vns den ewygen frede vnde lefflyke bebyndynge, sunder alle 1 vnde beropynge gedan, bebreuet vnde besegelt isz, vele vorkrenckt mochte wesen yegen sodane lefflicheit, als [van vnsen weghen] bewiset 1 Her er ladet aaben Plads til et Ord.
