385
feci, subscripsi, publicauj et in hanc publicam formam redegi signoque et nomine meis solitis et consuetis signauj rogatus et requisitus jn fidem et testimonium omnium et singulorum premissorum. E membrana archetypa. Ex bulla apostolica, 1488 16 Septembris in forma Humilibus data, patet, archiepiscopum Lundensem exinde hanc caussam tractare noluisse, Henricum vero Lincopensem eam sibi soli assumpsisse Stenonemque et litis consortes absoluisse. 6. Domini Stenonis Sture appellatio caussæ ab episcopo Ratzeburgensi ad curiam Romanam. 1481, 25 Septembris. In nomine domini amen. Anno a natiuitate eiusdem millesimoquadringentesimo octuagesimoprimo, jndictione quartadecima, die vero Martis vicesimaquinta mensis Septembris, pontificatus sanctissimj in Cristo patris et domini nostri domini Sixtj diuina prouidencia pape quartj anno vndecimo, jn mej notarij publicj testiumque infrascriptorum ad hoc specialiter vocatorum et rogatorum presencia personaliter constitutus venerabilis vir dominus Ragualdus Ingemundj archidiaconus Vpsalensis, decretorum doctor, magnificj et strennuj militis domini Stenonis Sture, domini locj in Gripholm Strengnensis diocesis, regnj Swecie gubernatoris, procurator, animo et intencione, vt asseruit, in quadam causa infradesignata prouocandj et appellandj, prout eciam prouocauit et appellauit, ac habens et tenens in suis manibus quandam appellacionis seu prouocationis et apostolorum peticionis papiri cedulam, causas in se continentem racionabiles, michi notario publico infrascripto tandem recipientj tradidit atque porrexit, meque debita cum jnstancia requisiuit, quatenus huiusmodi cedulam prouocationis et appellationis ibidem legerem et publicarem. Extunc ego notarius publicus infrascriptus eius peticioni satisfaciendo eandem prouocationis et appellationis cedulam publice alta et intelligibilj voce legj in hunc quj sequitur modum: Quoniam a citacionibus et monitionibus et sententijs, preceptis, mandatis grauaminibusque ac alijs gestis et actis per non habentem potestatem, jmperium neque iurisdictionem factis, ymmouerius attemptatis, tanquam nullis et inualidis iuxta vtriusque juris doctrinam, appellare seu prouocare non est necesse; quia tamen ea, que per tales perpetram¹ sunt acta, per sedis superioris circumspectionem solent prouocationis, appellationis et recursus beneficio repararj potissime per sanctam sedem apostolicam, omnium male gestorum reformatricem, cuius proprium est frena judicium excedencium moderare et eorum male gesta in melius reformare; liceatque grauatis et oppressis ac grauarj et opprimj [ver]isimiliter timentibus superiorum auxilium et defensionem inplorare et ad appellationis, prouocationis et [recu]rsus beneficium conuolare; qua propter dudum magnificus ac strenuus miles Steno Sture, [dominus] locj in Gripsholm, regnj Swecie 1 : perperam.
