392
vorentholden werdt; szo engede vns de noth, dat wii vns des beclaget hebben, do wii to Rome weren¹, vor vnsem hilgen vader deme pawesze, de vns denne dar vp heft borlike richter gegeuen, dar vor wij de szake jm gerichte durch vnsze procuratores hebben voruolget lathen, nicht mit hetischeyt, szo sze scriuen, vnde to vorderue [deme ryke to Sweden, men allene tegen heren Steen Sturen vnde szyne medehulpere, [de vns] vnsze liffgedinge vorentholden hebben; vnde dat he mit rechte vnde nicht [mit] vnrechte is in den ban gekomen, bowijszen de breue, de vnse leuen getruwen [rede in] Denmarken hebben gesand van Kallieborg bij vnses zeligen heren tiiden [den r]eden in Sweden. So sze denne furder schriuen, dat wij vppet nige breue gevor[dert] hebben tegen heren Sten etc., dar syn wij durch ene ock to gheenget worden, [went]e he durch sine procuratores to Rome leth beforderen, dat vnse hilge vader de [pawes de sake] . . . . . . beuoel deme erwerdigesten in God vader heren cardinale van Meylan, in krafft welker commissien here Sten vns citeren leth to Lubeck vnde in anderen steden vp den kerckdoren, gelyck oft wij eme plichtich vnde schuldich weren; szo hebben wii vnsze procuratores dar na ock to Rome gehath vnde vnsze hilge vader de pawes heft de szake van deme vorbenomeden cardinale vnde van allen anderen richteren to sick sulues do wedder geeschet, so dat dar nene richtere ichteswes furder ane dohn mochten, vnde heft de suluen szake vppet nyge bevalen deme erwerdigen heren bischoppe to Ratzeburgh, dar de szake idzund vor henget im gerichte. Wij bogeren anders nicht men recht vnde nemande vnrecht ofte gewalt to dohnde, wo wol de Sweden mit vngelinphe vns dat ouerschriuen, nach deme sze sulues wol weten, dat vns vnsze liffgeding in Sweden mit des rijcks seghele vnde aller vppersten redere, de do tor tiidt in Sweden leueden, ingesegelen is vorszegelt; oft wii sulker vorszegelinge mogen geneten, willen wij gerne im rechte, dar de szake henget, irkennen lathen. Wii syn ock bericht, dat her Sten echt sine bodeschopp to Rome heft tegen vns vnde vns szo noch furder gedencket vp meher kost vnde theringe to bringende, wo wol he in nenermathe kan vth deme banne komen sunder vnse wetent vnde consent. Szo is vns in desser szake nicht billick anders bij to varende, sunder dat wij vnse liffgedinge vnde geleden schaden mit rechte bemanen; willen ouerst de rede in Sweden her Steen dar to hebben, dat vnsze schade vns wedderlecht werde vnde wij dat vnsze mogen krigen, willen wij gerne gudliken van en vpnehmen; mach deme ouerst szo nicht scheen, kan iuwe leue sulues wol mercken, dat ere schriuent men eyn vorlengent ofte vorleggent is, szo sze lange her gedan hebben; wente vmme vnszes liffgedinges willen, dat vns vorentholden - 1 I Concepten findes istedet for "do wii to Rome weren» blot et Mærke, som betegner at Noget er tilföjet, men den Del af Marginen, hvor Tilföjelsen har staaet, er borte. Skulde maaskee Concipisten ved Fejltagelse her have brugt förste Person, hvor han taler om sig selv? Eller skulde Dr. Dorothea virkelig 1477 have gjort en Rejse til Rom?
