396
episcopus Razeburgensis judex et [commissarius], certis vrgentibus causis, ipsum et suam ecclesiam Razeburgensem tangentibus, alijsque rationabilibus causis animum suum ad id mouentibus, se a sua diocesi elongare proponens, nobis causam et causas huiusmodi ac omnes et singulas causas, in vim preinserti breuis apostolicj aut alias qualitercunque auctoritate apostolica sibi commissas, in illis terminis, in quibus coram eo remanserant indecise, vlterius resumendas audiendas et fine debito terminandas commisit, nosque subdelegauit et subdeputauit, vices suas nobis plenarie committendo, prout in subdelegationis littera hic inserta plenius continetur et habetur: Johannes etc. Huiusmodi namque subdelegationis ac litterarum et breuium apostolicarum preinsertarum pretextu primitus causa et causis antedictis in statu debito per nos resumptis ac inter partes in eisdem litteris et breuibus apostolicis contentas seu uerius earum procuratores rite et legitime continuato processu, seruatis seruandis, ac cognito ad plenum de huiusmodi cause meritis, ad nostram in scriptis ferendam et promulgandam diffinitiuam adiudicatoriam et restitutoriam sententiam duximus procedendum et processimus, eamque per ea, que vidimus et cognouimus, in scriptis tulimus et promulgauimus in hunc, qui sequitur, modum: In nomine dominj amen. Huiusmodi namque nostra diffinitiua sententia manu nostra propria sic extitit subscripta: Jta pronunciauj etc. Quequidem nostra diffinitiua adiudicatoria et restitutoria sententia postquam nulla prouocatione suspensa in rem transiuit judicatam, nos ad prouidj virj magistrj Pauli de Santbeke, sepedicte serenissime domine domine Dorothee regine principalis procuratoris, prout de sue procurationis mandato in et ex actis prioribus cause huiusmodi legitimjs dinoscitur constare, prout constat documentis, instantiam prefatum dominum Stenonem Sture militem exaduerso principalem suosque complices, bonorum in preinsertis breuibus apostolicis et nostra sententia diffinitiua expressorum occupatores et detentores omnesque alios et singulos, sua communiter uel diuisim interesse putantes, eorumque procuratores, si qui erant in curia Razeburgensi, pro eisdem ad videndum et audiendum sententiam diffinitiuam preinsertam exequj et executionj debite demandarj litterasque siue processus executoriales desuper necessarias et oportunas usque ad jnuocationem auxilij brachij secularis inclusiue in forma solita et consueta per edictum publicum iuxta ipsius vltimj breuis preinsertj vim formam et tenorem decernj et concedj, vel dicendum et causam, siquam habebant rationabilem, quare premissa fierj non debebant, allegandum, in valuis siue portis ecclesie parrochialis sancti Laurentij in Schonenberge Razeburgensis diocesis, vbi huiusmodi citationes affigj et publicarj solent, citarj fecimus et mandauimus ad certum peremptorium terminum competentem, videlicet ad diem et horam infra scriptas. Quibus aduenientibus comparuit in iudicio legitime coram nobis magister Paulus de Santbeke procurator predictus, nomine quo supra procuratorio, et citatorum predictorum in quadam citationis in valuis cedula, a nobis emanata de nostrisque voluntate et mandato in valuis siue portis parrochialis
