397
ecclesie sancti Laurentij in Schonenberghe predictis posita et affixa aliasque inibi debite executioni demandata, ac per eum coram nobis facto . . . . et in scriptis representata contentorum¹ non comparentium contumatia accusata ipsosque contumaces reputarj, et in eorum contumatiam productis primitus coram nobis per eundem magistrum Paulum de Santbek[e testibus ydoneis et] fidedignis ad informandum animum nostrum de et super non tuto accessu ipsius dicte [domine] regine principalis aut alicuius alterius eius nomine ad memoratum dominum Ste[nonem] Sture militem exaduerso principalem ac alios complices occupatores et deten [tores] pro presentibus nostris litteris siue processibus executorialibus in eorum proprijs personis s[iue] domicilijs exequendis et publicandis, ipsisque testibus per nos deinde rite et legitime receptis admissis ac in forma iuris iuratis ac postea per nos interrogatis et examinatis, ipsorumque testium dictis et depositionibus in scriptis de mandato nostro fideliter redactis, sententiam diffinitiuam preinsertam huiusmodi exequj et executionj debite demandarj litterasque siue processus executoriales desuper oportunos et necessarios iuxta et secundum dictj vltimj ipsi domino Johannj episcopo Razeburgensi iudicj et commissario delegato apostolico presentatj breuis apostolicj vim formam et tenorem in forma solita et consueta decernj et concedj per nos debita cum instantia postulauit. Nos tunc dictos citatos non comparentes reputauimus, prout erant, non immerito id suadente iustitia, contumaces, et in eorum contumatiam attendentes, requisitionem huiusmodi fore iustam et consonam rationj, quodque parum prodesset sententias ferre, nisi debite executionj demandarentur, ac volentes dictum vltimum breue apostolicum, ipsi domino Johanni episcopo Razeburgensi judicj et commissario apostolico delegato presentatum, in omnibus et per omnia ad effectum debitum deduci, ut tenemur, et quia per examinationem dictorum testium et ex ipsorum dictis et attestatis siue depositionibus reperimus, prefate serenissime domine Dorothee regine principali aut alicuj alteri eius nomine et pro ea ad dictum dominum Stenonem Sture militem exaduerso principalem suosque complices occupatores et detentores predictos personaliter pro presentibus nostris litteris siue processibus executorialibus in eorum presentijs seu proprijs personjs exequendis et executionj debite demandandis tutum non patere accessum, pro auctoritate apostolica nobis commissa et qua fungimur in hac parte, nostram sententiam diffinitiuam preinsertam huiusmodi per edictum publicum exequendum et executioni debite demandandum, litterasque siue processus executoriales desuper necessarios secundum ipsius vltimj breuis apostolicj vim formam continentiam et tenorem usque ad inuocationem auxilij brachij secularis inclusiue in forma solita et consueta decernendum et concedendum duximus atque mandauimus ac decreuimus, prout concedimus mandamus et decernimus per presentes sub modificatione infrascripta. Que om[nia] 1 o: contemptorum? et 50*
