398
et singula premissa et hunc nostrum processum executorialem et in eis contenta vobis omnibus et singulis supradictis, quibus noster processus dirigitur, per hoc presens publicum edictum siue instrumentum, huiusmodi nostras litteras siue processus executoriales in se continens, in dicta curia Razeburgensi in eisdem valuis siue portis parrochialis ecclesie sancti Laurentij in Schonenberge, necnon extra dictam curiam Razeburgensem in locis circumvicinjs videlicet metropolitane Lundensis, cathedrali Lubicensis, collegiate Haffniensis, Roskildensis diocesis, ac beate Marie Rostockcensis, Swerinensis diocesis, parrochialium ecclesiarum valuis seu portis tanquam in locis circumvicinjs affigendum, apponendum, exequendum et publicandum intimamus insinuamus et notificamus ac ad vestram et cuiuslibet vestrum noticiam deducimus et deducj volumus per presentes; et nichilominus per huiusmodi edictum publicum modo et forma premissis exequendum vos omnes et singulos supradictos et vestrum quemlibet, quibus presens noster processus dirigitur, tenore presentium requirimus et monemus primo secundo tertio et peremptorie ac vobis et vestrum cuilibet in virtute sancte obedientie et sub infrascriptis sententiarum penis districte precipiendo mandamus, quatenus infra triginta dierum spacium, post huiusmodi nostri processus executorialis in valuis siue portis antedictis affixionem siue appensionem et requisitionem, pro parte dicte serenissime domine domine Dorothee regine principalis vobis seu alterj vestrum factam, immediate sequentium, quorum triginta dierum decem pro primo, decem pro secundo et reliquos decem dies pro tercio et peremptorio termino ac monitione canonica assignamus, eandem serenissimam principissam et dominam dominam Dorotheam reginam principalem, uel procuratorem seu procuratores suos eius nomine et pro ea, in pristinam possessionem tam castrj quam opidj Örebro eorumque dominiorum necnon terrarum Nerke, Wermeland et Narreskouw cum Monte et iuribus regalibus eiusdem Montis minere ferree Norenbergheslach predictorum in regno Swetie consistentium, tam cum juribus suis vniuersis quam exinde annuatim exigendj petendj recuperandj releuandj vniuersos et singulos fructus redditus prouentus iura obuentiones introitus et emolumenta, quibuscunque nominibus nuncupentur, ex prefatis bonis eorumque dominijs prouenientes et prouenientia, restituatis reintegretis reponatis readmittatis et reducatis ac restituj reintegrarj reponj readmittj et reinducj faciatis, restitutamque reintegratam repositam readmissam et reinductam defendatis, jpsumque dominum Stenonem Sture militem suosque complices dictorum bonorum occupatores et detentores aduersarios ad dimittendum et relaxandum libere et expedite ipsi domine Dorothee regine castrum opidum et terras prescriptas cum eorum dominijs et pertinentijs vniuersis, ac ut de quolibet prefatorum vigintivnius annorum, quibus per se aut suos dicta bona occupauerant aut occuparj procurauerant, sex milia marcarum monete regnj Swetie, 1 : reinducatis.
