402
nes, tiam per decem dies illius dennntiationis inmediate sequentes pertinaciter sustinuerint, nos extunc, quia crescente contumatia et inobedientia crescere debet et pena, ne facilitas pene audatiam tribuat delinquendj, processus nostros huiusmodi aggrauamus, dictis subdelegatis nostris modo et forma premissis precipiendo, quatenus singulis diebus dominicis et festiujs in suis ecclesijs monasterijs et capellis infra missarum et aliarum prescriptarum horarum solemnia dictam excommunicationis denuntiationem reiterando et innouando eosdem Stenonem Sture suosque complices occupatores et detentores contradictoresque et rebelles, sic ut premittitur, ex[communica]tos nominatim, campanis pulsatis, candelis accensis et demum extinctis et in terram proiectis, cruce erecta et religione induta, aquam benedictam aspergendo ad fugandum demoqui eos detinent sic ligatos et laqueis suis cathenatos, [orand]o quod dominus noster Ihesus Christus ipsos ad catholicam fidem et sancte matris ecclesie [gremium] reducere dignetur, ne eos in talibus peruersitate et duritia dies eorum finire permittat, cum decantatione responsorij Reuelabunt celi iniquitatem lude etc., cum antiphona Media vita in morte sumus totaliter, et hijs finitis ad januas ecclesiarum suarum vnacum clericis et parrochianis accedant, ad terrorem, ut eo citius ad obedientiam redeant, tres lapides versus domos habitationum suarum proiciant in signum maledictionis eterne, quam Deus dedit Dathan et Abiran, quos terra sustinere non potuit, sed iusto Dei iudicio viuos absorbuit, ut descenderent in infernum viuentes, etiam post missam et in vesperis alijsque horis canonicis, sermonibus et predicationibus publicis solempniter publicent et denuncient ac ab alijs, quantum in eis fuerit, publicarj et denuntiarj ac ab omnibus Christifidelibus artius euitarj faciant, donec aliud a nobis uel superiorj nostro desuper receperint in mandatis. Verum si prefatj denuntiatj et aggrauatj aggrauationem huiusmodi per alios decem dies illius publicationis et dictos decem dies immediate sequentes animis, quod absit, sustinuerint induratis, nos extunc, quia peruersorum audatia presumptiua id exigit, vt vnica pena non contentj fortioribus artiantur penis, ne fides illorum ledatur, quj suis superioribus obedientiam semper impenderunt, processus nostros huiusmodi reaggrauamus, supradictis subdelegatis nostris vt supra [iniungentes], quatenus dicta auctoritate apostolica omnes et singulos Christifideles vtriusque sexus insimul (?), et presertim familiares et seruitores denuntiatorum et aggrauatorum huiusmodi, modo et forma premissis moneant et requirant primo secundo tertio et peremptorie, prout etiam nos requirimus et monemus, eisdem ipsis et eorum cuilibet in virtute sancte obedientie et sub excommunicationis pena districtius iniungendo, quatenus infra sex dies monitionem et requisitionem huiusmodi ipsis factas immediate sequentes, quos sex dies ipsis et eorum cuilibet pro omnj dilatione terminoque peremptorio ac monitione canonica assignent prout nos assignamus eisdem, a participatione communione familiaritate et seruitio ipsorum denunciatorum et aggrauatorum penitus et omnino desistant nec cum eis uel eorum aliquo seruiendo
