404
cat, temporalis saltim cohertiat seueritas discipline. Hinc est quod vos gloriosiss[imum et inuic]tissimum principem et dominum dominum Fridericum jmperatorem antedictum necnon jllustrissimos et serenissimos principes et dominos reges supradictos dictj gladij princip[ales] vibratores et iusticie zelatores in domino exhortamur, vosque dñe duces marchiones lantgrauij comites barones milites militares proconsules [con]sules magistrosciuium scabinos judices officiales et alios supradictos iurisdictionem temporalem et ordinariam per vos uel alium seu alios exercentes, quibus presens noster processus dirigitur, dicta auctoritate tenore presentium requirimus et monemus primo secundo tercio et peremptorie, vobis et vestrum cuilibet in virtute sancte obedientie et sub excommunicationis pena, quam in vos et vestrum quemlibet, canonica monitione premissa, ferimus in hijs scriptis, nisi feceritis que mandamus, districte precipiendo mandantes, quatenus infra sex dierum spacium post supradictos terminos successiue preexpressatos necnon notificationem et publicationem presentium, vobis seu alterj vestrum in vestris territorijs iurisdictione et requisitione pro parte dicte domine Dorothee regine principalis desuper factam, immediate sequentium, quorum sex dierum duos pro primo duos pro secundo et reliquos duos dies vobis et vestrum cuilibet pro tercio et peremptorio termino ac monicione canonica assignamus, vos omnes et singuli dominj temporales antedictj, quorum omnium super hoc auxilium brachij secularis jnuocamus, quotiens et quando pro parte dicte domine Dorothee regine principalis vigore presentium super hoc fueritis requisitj in iuris subsidium contra prefatos denunciatos aggrauatos reaggrauatos et jnterdictos, dicta auctoritate apostolica per captionem jnuasionem incarcerationem et detensionem personarum ..... et bonorum [custo] dia teneatis eorundem insurgatis et alios insurgere faciatis necnon eo[rum personas et] bona eorundem et cuiuslibet ipsorum jnuadatis incarceretis ac in firma arrestetis et occupetis per vos uel alium seu alios ac quilibet vestrum super hoc requisitus capiat jnuadat jncarceret et detineat. et arrestet ac occupet libere et licite. Super quibus omnibus et singulis vobis et vestrum cuilibet licentiam et plenariam potestatem concedimus et indulgemus per presentes dictosque denunciatos aggrauatos reaggrauatos et interdictos ita et taliter asstringatis et compellatis potenter etiam manu fortj absque tamen grauj lesione corporum eorundem usque ad integram satisfactionem et paritionem omnium et singulorum premissorum, ac donec et quousque dominus Steno Sture ac complices occupatores et detentores possessionem castrj et opidj Örebro necnon terrarum rerum et bonorum ac dominiorum supradictorum cum omnibus iuribus et pertinentijs suis supradictis eidem domine Dorothee regine principali aut suis procuratoribus liberam et expeditam dimiserint et relaxauerint, necnon de fructibus redditibus prouentibus iuribus introitibus obuentionibus et emolumentis pecuniarumque summis ex dictis bonis et eorum dominio perceptis habitis ac leuatis, et quj percipi poterant haberi et leuarj, eidem domine Dorothee regine principali
