412
illis, quos litere tangerent, fieri notificate. Super hiis, graciose domine, desideramus vestre gracie [fauora]bile responsum, post quod sciremus nos regere. Quid [possum]us facere, quod pax et confederatio maneat in vigore, ad hoc [inueniet] is nos semper benignos. Graciam vestram cum hiis omnipotenti [Deo com]mendantes in perpetuum. Ex opido Enecopensi [an] no domini millesimoquadringentesimo octuagesimo octauo vndecima mensis Decembris, sub secretis et sigillis Jacobi archiepiscopi Vpsalensis, Conradi Strengenensis et Olaui Arosiensis episcoporum, necnon Nicolai Stwre et Nicolai Fadhersson militum et Erici Trolle armigeri. Consiliarij regnj Suecie pronunc Enecopie congregati. E charta coæua. 12. 1489 (post diem 11 Decembris 1488). Copia missiue serenissime domine regine ad suum cancellarium Birgerum etc. Dorothea Dei gracia Dacie Suecie Noruegie etc. regina, ducissa Slesuiccensis ac Holsacie Stormarie et Ditmarcie etc. Premisso nostro sincero fauore. Dilecte domine cancellarie. Nos asscripsimus domino Paulo ex parte cause nostre contra dominum Stenonem et misimus ei vnam copiam, que inclusa fuit in vna litera, quam consiliarij regni Suecie asscripserant regni Dacie consiliariis. Rogamus vos caritatiue, quatenus vos illam copiam vnacum domino Paulo Santbeck perlegatis et cooperamini vna secum, quod ipse nullo modo negligat jus nostrum, et mittatis statim nuncium ad Romam et ordinetis, vt nostrum jus et processus maneat in vigore, et quod causa non fiat de nouo commissa in Roma. Consideramus quod archiepiscopus in Suecia regit se secundum illud breue apostolicum, quod nos misimus sibi, et non secundum nostrum processum, quem [non potuer]amus prosequj in causa nostra. Jdcirco potestis dicere [domino Paulo], quod ipse super hoc sit memor et faciat desuper taliter . . [quod nos per hoc secure simus. Faciatis in hiis melius, s[icut vob]is fidem adhibemus et scimus, quod libenter facitis. Jtem dimittatis apud dominum Paulum illam copiam, quam nos vobis mittimus, aut dettis ei illam translatam in Latinum, et retineatis vos illam, quam nos vobis mittimus. Nichil nunciauit nobis concilium Suecorum, quare eciam non scimus vobis aliquid desuper annunciare. In Christo valete. Eidem cui litteræ consiliariorum regni Sueciæ (Nr. 11), schedæ manu eadem coæua inscripta.
