425
nes et federa inita processerunt. Ut igitur pacta conventiones et federa, ut in prioribus litteris hujusmodi deducitur, de data anni domini meccclxxii die festi visitationis beatæ Mariæ virginis in opido Calmarnensi Lincopensis diocesis stabilita et firmata, conserventur illesa; et ne de¹ dictæ Dorotheæ, qvæ bellorum et dissensionum eorundem ante pacta et federa habita potissima causa fuit et est de presenti, qvo fit ut arma reassumantur, indulgeatur, ut ipsa nunc dissensiones et bella hujusmodi renovet, falso pretendens ad dicta bona parafrenalia; qvoniam in ultimo bello ultra numerum trium millium in bello navali et terrestri regis potiores capti et plures interfecti ipseqve rex graviter vulneratus fuerat et vix se cum paucis in fugam recepit; et ne etiam hujusmodi litis pretextu ipse Steno, qvi vicinos habet Christiani nominis et redemptoris nostri inimicos Ruthenos scismaticos et a fide catholica deviantes, contra quos cum nuper et maxime in illius iniqvæ sententiæ prolatione cum maxima hominnm armatorum copia non sine gravissimis laboribus et dispendiis ac continuis vigiliis et exercitiis ad subiciendos fidei catholicæ et sanctæ Romanæ ecclesiæ unitati et obedientiæ reducendos continue in armis existit, prout annis superioribus etiam cum lxta millibus hominum in expeditione fuit et in longitudine et latitudine xii dierum in introitu terræ schismaticorum in ore gladii et flammis pro datis damnis et illatis ipsis Christianis terras eorum devastavit et depopulavit, ab hujusmodi pio sancto et laudabili proposito cepto, quod, qvantum in se est, cum suis et sibi commissis hominibus reducere et debellare proposuit, retrahatur, prout nuper in vim perversarum posteriorum literarum vocatus censurarum in illis comminatarum pretextu ab ipsa expeditione se aliqvantulum retraxit, licet tune ipse Steno magnam haberet oportunitatem dictos schismaticos invadendi, qvando in armis, ut prefertur, fuerat constitutus, qvia rex Moscobiæ dominus Ruthenorum schismaticorum tunc temporis magnam habuit guerram contra cesarem Tartarorum ac cum omni sua potentia versus civitatem Kazan occasione belli se receperat, et alio latere alium exercitum idem rex contra ducem Oschfferi vergebat, ita quod major pars dictorum infidelium in duobus exercitibus tune fuerat constituta; ut etiam hujusmodi indebitis falsis et paliatis vexationibus per Dorotheam sibi et litis consortibus illatis et inferri cominatis salubre remedium adhibeatur, celeriterqve talibus periculis occurratur et obvietur, ne arma denuo assumantur, et ut omni indemnitati consulatur, ne tales processus cogantur ecclesiastici pernitiose conflatos publicare, cum hoc faciliter, si ammodo fieret, posset in prelatorum et ecclesiasticarum personarum damnum atqve periculum non modicum retorqveri, presertim cum populus ipsius regni sententias et censuras ecclesiasticas patienter non tolleret, et maxime qvando manifeste cognoscit, se non dedisse causam vel non habere culpam, qvi omnes magno cum desiderio et devotione singulari contra dictos schismaticos et 1 deleatur: de?
