18
further widerumb szu fforshen hetthen. Dasz vordene ich bey e. l. alzeyth gerne. Weithern bericth diszer sachen belangende habe ich eweren secretarien vnd vortruthen dener Corper müntlichen e. 1. anzuzeyghen bevolenñ, ir werden dem selbigem vngeszueyffelth gelowen szustellen. Vnd wollen e. 1. hie mith dem Almechtigenn mith sampth der selbigen lieben gemahl vnd iunghe herscaffth in seynem schutz vnd schirm bewolen haben etc. Datum Calmarn 11 Octobris anno 1541. E. 1. getrue suoger vnd bruder Gustaff meyn hanth sszt. Udskrift, ligeledes egenhændig: Dem groszmechtigenn fursten vnseren freuntlichen liebenn suagernn vnd brudern herren Cristian, szuu Denemarkchen etc. konnighen, zuu eighenn hannden. Forseglet med Kongens Signet i rødt Vox. Den 6 November (Søndagen efter Omnium Sanctorum) 1541 skriver Christian III fra Odense til Kong Gustav: Denn bewustenn mann, des ausschreybenn wir jnn vnnsern gewarsam kriegenn, betreffennde, habenn wir durch e. 1. schriefft, mit aignner hannt ann vnnsz gethann, nebenn dem durch denn muntlichenn bey berichtt vnnsers secretarien Corpers, e. 1. gemut gruntlichenn vnnd woll verstannden; achtenn dasselbige, weil es der federen nitt zuuertrauwen, zuerwiddern nit nottwenndig sein. Wiewoll wir vnnsz nu verhofft, es wordenn e. 1. vnnser vnnderredunge bedennckenn vnnd selbst, gethanenn schriefftenn, auch dem muntlichen des secretarien bey bericht nach, die sachen also haben jnns wergk pringen lassenn, so wollenn wir dannoch, weyl e. 1. einsz anndernn bedennckenn, dj sachenn durch anndere wege, souiele ann vnnsz vnnd jmmer thunlichen vnnd muglichenn, gernne vnnder fahenn vnnd zuwerg stellenn, auch e. 1. bestes jn alwegen wiesszen. Vnnd was wir jn dem, auch der Euangelischen bunthnusszen halben, jn dem wir e. l. gemut vonn vnnserm secretarien auch wol jnngefasszett, werdenn thun, wollenn wir e. 1. zu gelegenner zeitt so ballt muglichenn auch eroffnenn (efter Concepten). Under samme Dato skriver Christian III til Hr. Bernhard von Melen, Landfoged i Sachsen: Wir gebenn euch gnediger maynung zuuorstehenn, dasz wir mit dem grosmechtigenn furstenn vnnserm freuntlichenn liebenn schwagernn, brudernn vnd nachparnn, hern Gustaffenn, konigenn zu Schwedenn etc., vnnser baiderseitz nachparlichenn gebrechenn halbenn ganntz vnnd gar vertragenn sein. Dweyl vnns aber wissennt, das sich tzwuschenn seiner liebden vnd euch noch jrrunge vnnd gespenn erhaltenn, die wir auch gantz gernne woltenn woll vorglichenn vnd hienngelegt sehenn, wo jr dann gnaiget euch mit dem forderstenn ann vnns aigenner personn zu begebenn vnnd vnns handels gestatten wollet, vorsehenn wir vnns euch fur vnnszer eigen personn denn hanndell vortzustellenn, des euch vnnsers vorsehenns bottlichenn¹) sein solle. Jr mustet aber jnn mittler zeit, vnns zuu ehrenn, mit wortenn vnnd wergkenn gegenn als wenn ganntz vnd gar still stehenn, vnnd kegenwertigem brieffs zaigere Otto Stigisszenn jnn seinem annbringenn sonnst vonn vnnsernnt wegenn volankommenn glaubenn gebenn. Was jr jnn deme gemeint, solichs wollet vnns zum erstenn schriefftlichenn vnnd grundtlichenn vorstenndigenn (efter den officielle Copibog). 1) baatlich: nyttig, gavnlig; af det Nedersaxiske Bate, svarende til det Danske Baade (Bremisch-Niedersächsisches Wörterbuch I 61).